މަނަދޫ އަޒީގެ ޅެންހާރު: ތިބާއީ މާތް ރަސޫލޭ

* ރާގު: ހަމޭތުމްސޭ ތުމްހީހަމްސޭ…

އޮހޭ ޝުކުރާ ސަނާމަތިވެރި ތިބާއީ މާތްރަސޫލާއޭ

ދެދޭހަށް ރަޙްމަތެއްކަމުގައި ވަޑައިގެންނެވި ރަސޫލާއޭ

ބިރާ ނާމާންކަމާ ވެރިވީ ވަގުތު ދުނިޔޭގެ ޢާލަމުގައި 2

ޙިރާގައި އިންނެވީ ޚަލްވަތު ވެގެންފިކުރުގެ ނިހާޔަތުގައި

(ވެގެންފިކުރުގެ ނިހާޔަތުގައި)

ޙިރާގައި ދެންނެވީ ޙާލަތު އިލާހަށް ތިޔަ ރަސޫލާއޭ

ކަމާޖާހިލް ކުފުރު ޝިރްކުގެތެރޭގައި މީސްތަކުން ވަނިކޮށް 2

އަމާންކަންގެއްލި ދުނިޔޭގައި ގޮތެއްނެތި މީސްތަކުންދަނިކޮށް

(ގޮތެއްނެތި މީސްތަކުންދަނިކޮށް)

ޒަމާނެއް ގެންނެވީ ދޭހަށް އުފާވެރި ތިޔަ ރަސޫލާއޭ

މަދީނާގައި ރިވެތި އިސްލާމްކަމުގެ ބިންގާ އަޅުއްވާފައި 2

ޤަބީލާތަކުތެރޭ އެކުވެރި ކަމުގެ ރޫޙެއް އުފައްދާފައި

(ކަމުގެ ރޫޙެއް އުފައްދާފައި)

މަދީނާ ޝަރަފްވެރިކުރުވީ ޔަޤީނުން ތިޔަ ރަސޫލާއޭ

6 ޖޫން 2024
*عبدالعزيز قاسم
ލިލީ ނ.މަނަދޫ