މަނަދޫ އަޒީގެ ޅެންހާރު: ހިތްތަކަށް ރޫޙު ގެނެސްދެއްވި ޙަބީބޭ ތިޔައީ

* ރާގު: ކިސްތަރާގީތުހެ ޔޭލޯގު ބަތާދޯޔާރޯ
* ދިވެހި (އިސްނަގައި ލޯހުޅުވާލީމި)

ހިތްތަކަށް ރޫޙުގެނެސްދެއްވި ޙަބީބޭ ތިޔައީ

ހިތްތަކަށް ސާފުދިރުންދެއްވި ނަބީޔޭ ތިޔައީ

އެންމެހައި ޚަލްޤުތަކުންނަށްވުރެ ލޮބުވެތިކަމުގައި 2

އެންމެހައި ދަރަޖަ އުފުއްލެވުނު ރަސޫލޭ ތިޔައީ

ދުނިޔެ ދުވަހަކު ދެކެފައި ނެތްފަދަ ޞުލްޙައިގެމަތީ 2

ދުނިޔެ އާރާސްތު ކުރެއްވެވި މަމްދޫޙޭ ތިޔައީ

ޚުލްޤުފުޅުގައިވި ހިމޭން މަޑުމޮޅި ކަމަކާއެކުގައި 2

ކުލުނުވެރި ހިތްޕުޅު އޯގާވި ޒަޢީމޭ ތިޔައީ

ކޯރަކުގެ ފެންފަދަ އަލިސާފުވި ދީލަތިފުޅުކަން 2

ފޯރުކޮށްދެއްވެވި އުންމަތުގެ އަމީނޭ ތިޔައީ

އެންމެހައި ޚަބަރުތަކުން ސާފުވެ އެނގިވާގޮތުގައި 2

އެންމެހައި ރުސްލު ނަބިއްޔުންގެ އިމާމޭ ތިޔައީ

ލިއްބެވުނު މާތްވި މަޤާމުލްމަޙްމޫދުގެ ޝަރަފާ 2

ލިއްބެވުނު ކައުޘަރު މަޙްޝަރްގެ ޝަފީޢޭ ތިޔައީ

8 ޖޫން 2024
* عبدالعزيز قاسم
ލިލީ ނ.މަނަދޫ