އައްޑޫގެ މަސްވެރިން ހުޅުދޫ މީދޫގައި ހަދައިފައިވާ މަސް ފެކްޓްރީގައި ބައެއް މަސްވެރިން މިހާރު ކުރާ މުޒާހަރާއަކީ ބަޔަކު އަޑީގައި ތިބެގެން ހިންގާ ކަމެއް ކަމަށާއި، އެ އިހުތިޖާޖަކީ އެއްވެސް ގޮތަކަށް ގަބޫލު ކުރާ ކަމެއް ނޫންކަމަށް ހުޅުދޫ ދާއިރާގެ މެންބަރު މުޙައްމަދު ޝާހިދު (ޝާޑު) ވިދާޅުވެއްޖެއެވެ.
ޕީއެންސީގެ ޖަގަހަ "ހައުސް އޮފް ޕީއެންސީ" ހުޅުވުމުގެ ރަސްމިއްޔާތުގައި ޝާހިދު ވިދާޅުވީ މި ސަރުކާރުން 8 މަސް ތެރޭގައި 800 މިލިއަން ދައްކައިފައި ވާކަމަށާއި އެހެންކަމުން ކޮންމެ މަހަކަށް 100 މިލިއަނުން ލާރިދައްކާ ޚަލާސްކޮށްފައިވާކަމަށެވެ.
ރާއްޖޭގެ މަސްވެރިންނާއި އައްޑޫގެ މަސްވެރިންނަށް މިއަދާއި ހަމައަށް ޖެހިފައިވާ ތަކުލީފާއި ނިކަމެތި ކަމަކީ ހަމައެކަނި މިއަދު ދިމާވެގެން އުޅޭކަމެއް ނޫންކަމަށް ޝާހިދު ވިދާޅުވިއެވެ.
ޝާހިދު ވިދާޅުވީ މިދިޔަ ސަރުކާރުން އިންތިގާލީ މަރުހަލާގައިވެސް ނިމިދިޔަ ސަރުކާރުން ކަންތައް ކުރެއްވީ ވަރަށް އިހާނެތިކޮށް ހިތު ހުރި ގޮތަކަށް ކަމަށެވެ. 250 މިލިއަން ރުފިޔާގެ ބުރަ އުފުލައިގެން އައި ސަރުކާރެއް ކަމަށް ޝާހިދު ފާހަގަކުރެއްވިއެވެ. އައްޑޫގެ މަސްވެރިން ހުޅުދޫ މީދުގައި ހަދައިފައިވާ މަސް ފެކްޓްރީގައި ކުރަމުންދާ އިހުތިޖާޖަކީ އެއްވެސް ގޮތަކަށް ގާބޫލު ގަބޫލު ކުރުމެއް ނޫން ކަމަށާއި އެކަމުގެ ސަބަބަބަކީ އީދު ބަންދުގެ ކުރިންވެސް އައްޑޫގެ މަސްވެރިންނަށްށާއި މުޅި ރާއްޖޭގެ މަސްވެރިންނަށް މިފްކޯއިން ވަނީ ފައިސާ ދޫކޮށްފައިވުުން ކަމަށް ޝާހިދު ވިދާޅުވިއެވެ.
ޝާހިދު ވިދާޅުވީ، ފައިސާ ދޫކުރުން ޖެހޭ އަދަދަށް ބަލާއިރު މިހާރު ނުދެއްކި ވަނީ ވަރަށް ކުޑަ އަދަދެއް ކަމަށާއި، ސަރުކާރުން ދަނީ މި ބަންދު އައުމުގެ ކުރީގައިވެސް އަދި މިހާރުވެސް ފައިސާ މަސްވެރިންނަށް ދެވޭނެ ހުރިހާ އިންތިޒާމު ތަކެއް ހަމަޖައްސަމުން ކަމަށެވެ.
ރައީސް މުއިއްޒު ވަނީ މުޅިރާއްޖެއަށް ވެވަޑައިގެން ވައުދުތަކާއި އަދި ހާއްސަކޮށް އައްޑޫއަށްވީ ވައުދުތައްވެސް ފޮތެއްގައި ލިޔުއްވާފައި ކަމަށް ޝާހިދު ވިދާޅުވިއެވެ.
