ވިނަރެސް ފުލެޓުތަކުގައި އެކްސެސް ކޮންޓްރޯލް ސިސްޓަމް ބޭނުންކުރަން ފަށައިފިއެވެ.
ހައުސިން ޑިވޮލަޕްމަންޓު ކޯޕަރޭޝަން (އެޗްޑީސީ) އިން މިއަދު ވިދާޅުވީ ވިނަރެސްގެ ނުވަ ވަނަ ޓަވަރާއި 10 ވަނަ ޓަވަރުގައި މިމަހުގެ 23 ވަނަ ދުވަހުން ފެށިގެން އެކްސެސް ކޮންޓްރޯލް ސިސްޓަމް ބޭނުން ކުރަން ފަށާފައިވާ ކަމަށެވެ.
އެޗްޑީސީ އިން އާންމު ކުރި އިޢުލާނެއްގައި ވިދާޅުވީ، ޓަވަރު އެކަކުން ހަތަރަކަށް އިއްޔެއިން ފެށިގެން އަދި ފަސް ވަނަ ޓަވަރުން ފެށިގެން އަށް ވަނަ ޓަވަރަށް މިއަދުން ފެށިގެން އެކްސެސް ކޮންޓްރޯލް ސިސްޓަމް ބޭނުންކުރަން ފަށާފައިވާ ކަމަށެވެ.
އެހެންވެ، އެކްސެސް ޓެގް ސަރުކާރު ބަންދު ނޫން ކޮންމެ ދުވަހެއްގެ ހެނދުނު 9:00 އިން ފެށިގެން 3:30 އަށް ވިނަރެސް 10ގެ މެނޭޖުމަންޓް އޮފީހުން ދޫކުރާނެ ކަމަށްވެސް އެޗްޑީސީ އިން ވަނީ ވިދާޅުވިއެވެ.
ޓެގާއި ހަވާލުވުމަށް ފުލެޓުގެ މެއިން އެޕްލިކޭންޓު އަންނަނަމަ އައިޑީކާޑު ގެނައުމަށް ވަނީ އެދިފައެވެ. އަދި ކޯ އެޕްލިކޭންޓު ދާނަމަ މެއިން އެޕްލިކެންޓުގެ އައިޑީކާޑާާއި ޓެގާ ހަވާލުވާން ދާ ފަރާތުގެ އައިޑީކާޑު ގެނަުއުމަށް އެޗްޑީސީ އިން ވަނީ އެދިފައެވެ.
މި ދެ މީހުންނަށްވެސް ނުދެވޭނަމަ ޕަވާ އޮފް އެޓާނީ ހަވާލުކޮށްފައިވާ ފަރާތަށް ޓެގު ހަވާލުކޮށްދޭނެ ކަމަށް އެޗްޑީސީން ވަނީ ވިދާޅުވެފައެވެ. ނަމަވެސް ޕަވާ އޮފް އެޓާނީ ފޯމާއި، އެ ފޯމުގައިވާ ހުރިހާ މީހުންގެ އައިޑީކާޑު ގެނަުއމުން ނޫނީ ޓެގު ދޫނުކުރާނެ ކަމަށް އެ ކޯޕަރޭޝަނުން ވަނީ ވިދާޅުވެފައެވެ.
