މޯލްޑިވިއަން ޑިމޮކްރެޓިކް ޕާޓީ، އެމްޑީޕީގެ 19 ވަނަ އަހަރީ ދުވަހުގެ ތަހުނިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވައިފިއެވެ.
އެމަނިކުފާނު ތަހުނިޔާ ފޮނުއްވެވީ ސޯޝަލް މީޑިއާގައި ކުރެއްވި ޕޯސްޓެއްގައެވެ. އެގޮތުން، ޕާޓިގެ އިސްވެރިންނަށާއި މެންބަރުންނަށް ރައީސް ވަނީ އަހަރީ ދުވަހުގެ ތަހުނިޔާ ވިދާޅުވެފައެވެ.
— Dr Mohamed Muizzu (@MMuizzu) June 26, 2024
ރައީސުލްޖުމްހޫރިއްޔާގެ ނައިބު އަލްއުސްތާޛް ހުސައިން މުޙައްމަދު ލަތީފްވެސް ވަނީ އެމްޑީޕީގެ އަހަރީ ދުވަހާ ގުޅިގެން އެ ޕާޓީގެ ރައީސް އަބްދުﷲ ޝާހިދާއި ޗެއާޕާސަން ފައްޔާޟު އިސްމާއީލް އަދި މެންބަރުންނަށް ތަހުނިޔާ ވިދާޅުވެފައެވެ.
ދިވެހި ރައްޔިތުންގެ ޑިމޮކްރެޓިކް ޕާޓީގެ 19 ވަނަ އަހަރީ ދުވަހުގެ ހެޔޮ އެދުމާއި ތަހުނިޔާ އެ ޕާރޓީގެ ޕާޓީގެ ރައީސް އޮނަރަބަލް @abdulla_shahid، ޕާޓީގެ ޗެއަރޕާސަން އަލްއުސްތާޛު @faya_i އަދި އެޕާޓީގެ އެންމެހާ މެންބަރުންނަށް އަރިސްކުރަން. pic.twitter.com/9JaMJLgy1F
— Hussain Mohamed Latheef (@HucenSembe) June 26, 2024
ރާއްޖެއަށް މަލްޓި ޕާޓީ ނިޒާމު ތައާރަފުވެ ސިޔާސީ ޕާޓީ ރަޖިސްޓްރީކުރުމަށް ހުޅުވާލުމުން އެންމެ ފުރަތަމަ ރަޖިސްޓްރީ ކުރި ޕާޓީއަކީ އެމްޑީޕީއެވެ. އެ ޕާޓީން ވަނީ ރާއްޖޭގެ ވެރިކަން ދެފަހަރު ކުރައްވާފައެވެ. އެގޮތުން، 2008 ވަނަ އަހަރުގެ ރިޔާސީ އިންތިޚާބާއި 2018ވަނަ އަހަރުގެ ރިޔާސީ އިންތިޚާބު އެ ޕާޓީން ވަނީ ކާމިޔާބުކޮށްފައެވެ.
