ޖޯކަކަށްވިޔަސް، ސިޙްރަކީ ޙަޤީޤަތުގައިިވެސް އޮތް އެއްޗެއް ކަމަށް ދީނީ ޢިލްމުވެރިޔާ ޢަލީ ޒައިދު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ޝެއިޚް ވިދާޅުވީ، ސިޙުރު ހެދިކަމުގެ ތުހުމަތުގައި މީހަކު ހައްޔަރުކުރުމުން އެވާހަކަ ބޭރަށް ފެތުރިގެން ބޭރު ނޫސްތަކުން އެޚަބަރު ކަވަރ ކޮށްގެން، ބަޔަކު މާ ލަދުން އުޅެންޖެހޭ ސަބަބެއް ނުވިސްނޭ ކަމަށެވެ.
ޝެޢިޚް ޒައިދު ވިދާޅުވީ، ސިޙްރު ގަބޫލު ނުކުރާ ބޭރު ކަރަކަރައިގެ މީހުންނަށް މިކަން ޖޯކަކަށްވިޔަސް، ސިޙްރަކީ ޙަޤީޤަތުގައިިވެސް އޮތް އެއްޗެއްކަން ގުރްއާނުން ސާބިތުވާ ކަމަށެވެ.
”އަނެއްކާ ސިޙްރުގެ ވާހަކަ ޤުރުއާނުގައި އޮވެގެން މި މީހުން ލަދުނުގަންނާނެބާ؟!” ޝެއިޚް ވިދާޅުވިއެވެ.
ކިޔުންތެރިންގެ ޚިޔާލުތައް:
ލަދުގަންނަނީކީ ކޮންމެހެން ތިޔަބުނާ ވާހަކަތަށް ގަބޫލު ނުކުރާތީއެއްނޫން. އަހަރުމެންނަށްވެސް ހަމަކަނޑައެޅިގެން އެބައިނގޭ ސިހުރަކީ ކޮބައިކަމާއި އޭގެ ނުބަކަން. ލަދުގަންނަނީ ދިވެހިންގެ ހުރި ނުބައިނުލަފާކަމާއި ޖާހިލުކަން ހުރިހިސާބު އެނގިގެން މިދިޔައިީ މުޅިދުނިޔެއަށް. ދިވެހިންނަކީ ސިހުރު ފަންޑިތައަކީ ވަރަށް އާދައިގެ ކަމެއްގޮތަށް ބަލައި މިކަން ވަރަށް ފުޅާދާއިރާއެއްގައި ކުރަންމުންދާކަމެއްގެގޮތުގައި މިހާރުވެސް އަދި މީގެ އެތައް ޒަމާނެއްގެ ކުރިންވެސް އެބައެނގޭ.