ކޮޕަ އެމެރިކާ މުބާރާތުގެ ގްރޫޕް ސްޓޭޖްގެ ފަހު މެޗްގައި ކޮލަމްބިއާ އިން ބްރެޒިލް މޮޅުވިޔަ ނުދީ ހިފަހައްޓާލައިފިއެވެ.
ކޮލަމްބިއާގެ ފަރާތުން މޮޅު ކުޅުމެއް ފެނިގެން ދިޔަ މި މެޗް ނިމިގެން ގޮސްފައި ވަނީ 1-1 ގެ ނަތީޖާ އަކުންނެވެ.
މެޗްގެ ކުރީކޮޅު ގޯލެއް ޖަހާ ލީޑް ނެގީ ބްރެޒިލް އިންނެވެ. މެޗްގެ 12 ވަނަ މިނެޓްގައި ލިބުނު ހިލޭ ޖެހުމަކުން މި ގޯލް ބްރެޒިލްއަށް ކާމިޔާބު ކޮށްދިނީ ބާސެލޯނާއަށް ކުޅެމުން އަންނަ ފޯވާޑް ރަފީނިއާއެވެ. މެޗްގެ ފުރަތަމަ ހާފް ނިމެން ކައިރި ވެފައި އޮއްވައި، ކޮލަމްބިއާގެ ޓީމުން ވަނީ ގޯލްއެއް ޖަހާ ނަތީޖާ ހަމަ ހަމަ ކޮށްފައެވެ.
މި ނަތީޖާއާއެކު، ކޮލަމްބިއާ ގްރޫޕް ސްޓޭޖް މި ނިންމާލީ 7 ޕޮއިންޓާއެކު ގްރޫޕް ގެ އެއްވަނައިގައެވެ. 2 ވަނައިގައި އޮތް ބްރެޒިލްއަށް ލިބުނީ 5 ޕޮއިންޓެވެ. ކުއާޓާ ފައިނަލްގައި ކޮލަމްބިއާ ނުކުންނާނީ ޕެނަމާއާއި ދެކޮޅަށެވެ. ބްރެޒިލް ނުކުންނާނީ އުރުގުއޭއާއި ދެކޮޅަށެވެ. އުރުގުއޭ އަކީ މި އަހަރުގެ މުބާރާތުގައި އެންމެ މޮޅު ކުޅުމުއް ކުޅެމުން އަންނަ އެއް ޓީމެވެ. ބްރެޒިލްއަށް މި މެޗް ވެގެން ދާނީ އުނދަގޫ މެޗަކަށެވެ.
