ލޯކަލް ގަވަމަންޓް އޮތޯރިޓީ (އެލްޖީއޭ)ގެ ސީއީއޯގެ މަޤާމުން ޑރ. މަރިޔަމް ޒުލްފާ ވަކިކޮށް، ފޮރިންގެ ސްޓޭޓް މިނިސްޓަރަކަށް މިއަދު އައްޔަން ކޮށްފިއެވެ.
މިދިޔަ 26 ޑިސެމްބަރުގައި އެލްޖީއޯގެ ސީއީއޯއަކަށް އައްޔަންކުރެއްވި ޑރ. ޒުލްފާ އެ މަޤާމުން ވަކިކުރި ސަބަބެއް ސަރުކާރުން ރަސްމީކޮށް އަދި ހާމަކުރައްވާފައެއް ނުވެއެވެ.
ޑރ. ޒުލްފާއަކީ ކުރީގެ ރައީސް މުހައްމަދު ނަޝީދުގެ ވެރިކަމުގައި ޓޫރިޒަމް މިނިސްޓަރުކަން ކުރެއްވި ބޭފުޅެކެވެ. ރައީސް ނަޝީދުގެ ވެރިކަން 7 ފެބުރުއަރީ 2012ގައި ބަދަލުވުމާ އެކު، ރާއްޖެ ދޫކުރައްވައި ބޭރަށް ދިރިއުޅުން ބަދަލުކުރެއްވިއެވެ. އޭގެ ފަހުން އޭނާ އަލުން ރާއްޖެ ވަޑައިގަތީ މިދިޔަ އޮކްޓޫބަރުގައެވެ. އަދި މިދިޔަ ނޮވެމްބަރު މަހުގެ ތެރޭ ވެރިކަން ކުރާ ޕީއެންސީއާ ވަނީ ގުޅިވަޑައިގެންފައެވެ.
