މަސްތުވާތަކެތީގެ މައްސަލައަކާ ގުޅިގެން، ފުލުހުންގެ އިންޓެލިޖެންސާއި ޑްރަގް އެންފޯސްމަންޓު ގުޅިގެން މާލޭގެ އެޕާޓްމަންޓެއް ބަލައިފާސްކޮށް ދިވެހި ދެ ފިރިހެނުން ހައްޔަރުކޮށްފިއެވެ.
ފުލުހުން ވިދާޅުވި ގޮތުގައި، އިންޓެލިޖެންސަށް ލިބުނު މައުލޫމާތަކާ ގުޅިގެން މިމަހުގެ 3ވަނަ ދުވަހު ހިންގި އެ އޮޕަރޭޝަނުގައި ހައްޔަރުކޮށްފައިވަނީ 21 އަހަރުގެ މީހަކާއި 35 އަހަރުގެ މީހެކެވެ. އަދި އެ އެޕާޓްމަންޓުން، މަސްތުވާތަކެތި ކަމަށް ބެލެވޭ ތަކެތި ފެނިފައިވެއެވެ. މިތަކެތީގެ ވަގުތީ ބަރުދަނަކީ 72.1 ގްރާމެވެ.
މި މައްސަލައާ ގުޅިގެން އެމީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 21 އަހަރުގެ މީހާ 15 ދުވަހަށް އަދި 35 އަހަރުގެ މީހާ 12 ދުވަހަށް ބަންދުކުރުމަށް އަމުރުކޮށްފައިވެއެވެ.
މި މައްސަލަ ޑްރަގް އެންފޯސްމަންޓުން ގެންދަނީ ތަހުގީގު ކުރަމުންނެވެ.
ކިޔުންތެރިންގެ ޚިޔާލުތައް:
މާލެ ސިޓީގައި ބޭނުން ނުހިފި ބާވެގެން ބޭނުން ނުކުރެވޭ ވަރުގެ ޢިމާރާށް ތައް ހުރުމަކީ ދައުލަތުން ޚިޔާނާތް ތެރިވުން .
ސަރުކާރަށް ބޭނުން ވެގެން އަމިއްލަ ފަރުދުންގެ ޢިމާރާތް ބޭނުން ކޮށް ޚިދުމަތް ދޭއިރު ރައްޔިތު މީހާގެ ބޯހިޔާވަހިކަން ސަރުކާރަށް ހޯދަ ދެވޭނެ ކަމާއިމެދު ޝައްކު އުފެދޭ ބޯހިޔާވަހި ކަމަކީ އަޑިނޭނގޭ ކަމަށް ބުނާ ވިޔަފާރި އަކަށް ވެފަ ވަނީ…..