ބީޗުވޮލީބޯޅަ ކުޅުންތެރިން ޕްރެކްޓިކްސް ކުރުމަށް ދިމާވެފައިވާ ދަތިތަކަށް ހައްލު ހޯދައިދެއްވާނެ ކަމުގެ ޔަގީންކަން ކުޅިވަރާއި ހަށިހެޔޮކަމާބެހޭ ވަޒީރު ޢަބްދުﷲ ރާފިޢު ދެއްވައިފިއެވެ.
ބޫޓާނުގައި ނިމުނު ކާވާ ބީޗުވޮލީބޯޅަ ޗެލެންޖުގެ ފިރިހެން ޑިވިޝަނުގެ ޗެމްޕިއަންކަން ހޯދި ރާއްޖޭގެ އިސްމާއިލް ސާޖިދު އާއި އާދަމް ނަސީމް އަށް މަރުޙަބާ ދެންނެވުމަށް ފަހު މިނިސްޓަރ ރާފިޢު ވަނީ ބީޗްވޮލީބޯޅަ ކުޅުންތެރިންނަށް ހިތްވަރު ދެއްވާފައެވެ.
މިނިސްޓަރ ވިދާޅުވީ މި ކާމިޔާބީ އަކީ މުޅި ގައުމަށް ލިބުނު ބޮޑު ފަޚުރެއްކަމަށާއި، ދެ ކުޅުންތެރިންނަށް މަރުޙަބާ ދަންނަވާކަމަށެވެ.
ބީޗްވޮލީބޯޅަ ކުރިއެރުވުމަށް ހުރި ގޮންޖެހުންތައް ފާހަގަކުރައްވާ މިނިސްޓަރ ރާފިޢު ވިދާޅުވީ ކުޅުންތެރިންގެ ފަރިތަކުރުންތަކަށް އެކަށީގެންވާ ވަސީލަތްތަކެއް ފޯރުކޮށްދިނުމަކީ ސަރުކާރުގެ އަމާޒެއްކަމަށާއި، މިހާރު މާލޭގައި އޮތް ބީޗްވޮލީބޯޅަ ކޯޓު ރަނގަޅު ފެންވަރަކަށް ތަރައްގީކުރައްވާނެކަމަށެވެ. އަދި އެކަމުގެ އަމަލީ މަސައްކަތް ވަރަށް އަވަހަށް ފެށުމަށް ހަމަޖެހިފައިވާކަމަށް ވިދާޅުވިއެވެ.
Minister of Sports, Fitness, and Recreation, Abdulla Rafiu, warmly welcomed Ismail Sajid and Adam Naseem back home after their triumphant victory at the CAVA Beach Volleyball Challenge Cup 2024, where they secured the gold medal. 🏆🇲🇻 pic.twitter.com/wbmcjKDKlE
— Ministry of Sports, Fitness and Recreation (@MoSFR_mv) August 4, 2024
