މަނަދޫ އަޒީގެ ޅެންހާރު: ނަމާދޭ… ނަމާދޭ

*ރާގު! ތެރޭއާންކުކާޖޯ އިޝާރާނަހޯތާ…

ނަމާދޭ ނަމާދޭ ކުދިންނޭ ނަމާދޭ

ނަމާދެއް ނުދޫކޮށް ކުރަންވީ ނަމާދޭ

ސަލާމަތުގެ މަގުތައް އަމާންކަމުގެ ހޯދަން

ބަލާޔާމުޞީބާތްތަކާ ދުރުވެހުންނަން

ހަލާކާއި ގެއްލުންތަކުން އެއްފަރާތްވާން

ފަލާޙުގެ މަގަށްއެދި ކުރަންވީ ނަމާދޭ

ވަގުތުތައް އެ ފާއިތުވެ ދިއުމުގެކުރީގައި

ވަގުތުޖެހުނުމުން ޝައުޤުވެރިކަންމަތީގައި

ވަގުތުވަދެ ނުކުމެގެންމެ ދިއުމުގެ ކުރީގައި

ވަގުތުގައި ސަމާލުވެ ކުރަންވީ ނަމާދޭ

ދެދުނިޔޭގެހުރި ބާއްޖަވެރިކަން އަދައިގެން

އެދުމުގައި ސަލާމަތުގެ ހިތްހެޔޮކަމައިގެން

އެދުނިޔޭގެ ފަހިކަން ލިބޭމަގުހިފައިގެން

މިދުނިޔޭގެ ބިމުގައި ކުރަންވީ ނަމާދޭ

ޤިޔާމަތުގެ ބިރުވެރިކަމުން މިންޖުވޭތޯ

ހިޔާ މާތްވިޢަރްޝީގެ ލިބިދެއްވަވާތޯ

ކިޔާޒިކުރުތަކުގައިވި ބަރަކާތް ލިބޭތޯ

ނިޔާއަށް ހިތުންރުހި ކުރަންވީ ނަމާދޭ

11 އޮގަސްޓް 2024
*عبدالعزيز قاسم
ލިލީ ނ.މަނަދޫ