މަނަދޫ އަޒީގެ ޅެންހާރު: ނުރައްކާ ދަނީބޮޑުވަމުންނޭ މި ހައްތާ

ރާގު: ޖޮއުންކީތަމަންނާހެ ބަރުބާދުހޯގާ….

ނުރައްކާ ދަނީބޮޑުވަމުންނޭ މި ހައްތާ

ތުރާތައް ވަށައިގެންއެކީ ލައިފި ފިއްތާ

ކުރަންވީކަމެއްނޭނގެޔޭ އަދުމި އަސްތާ!

ދުރަށްލާ ރަނގަޅުހައިކަމެއްލައިފި ނައްތާ

ހިމޭންކަންވަނީ ގެއްލިފައި ތަނުގެ ހުރިހައި 2

އިމެއްވަކިނެތޭ ކަންކަމެއްގައި ކުރާހައި

ބިމޭމީ ކުރިން ޞުލްޙަވެރިކަންމަތީއައި 2

ނިމޭކަށްނެތޭހުރި އެ ޢަޒްމާއި ގަސްތާ

ނުބައިހާކަމެއް ފެތުރިގެންގޮސް އެކީގައި 2

އޮބައިފިޔެ ރަނގަޅުހައިކަމެއް އެކުއެކީގައި

ވަބާފެތުރިގޮސް ތަނުގެ ބިންގާމަތީގައި 2

ނުބައިހާކަމެއް އަންނަނީ ގުޅެވި މަސްތާ

ނެތޭ ވަކިކަމެއް ދޫކުރާނޭ ބުނާކަށް 2

ނެތޭ އޮތްއަމާންކަން ފަހުންވަކި ލިބޭކަށް

ނެތޭ ކޯޅުމާ ފިތުނަނޫނީ ބަލާކަށް 2

ފެތޭ އެންމެފުނަކަށް ވަޠަން ލައިފި ފައްތާ

13 އޮގަސްޓް 2024
*عبدالعزيز قاسم
ލިލީ ނ.މަނަދޫ