މިއީ ސަލަފުންގެ ކިބައިން އައިސްފައިވާ ސިޙުރު ޖެހިފައިވާ މީހުންނަށް ކުރާ ފަރުވާއެކެވެ. މިފަރުވާ ވަރަށް ގިނަ ފޮތްތަކުގައި ބަޔާންވެފައިވެއެވެ.
އެގޮތުން މިފަރުވާކުރުމަށްޓަކައި ބޭނުންވާނީ 7 ކުންނާރު ފަތާއި އަދި ޖަންބޯ ބޮޑުފެންފުޅިއެކެވެ.
ފުރަތަމަ ހަތް ކުންނާރު ފަތް ފުނޑުމަށްފަހު ފުނޑާފައި ނުވަތަ މިކްސްޗަރއިން މިކްސްކުރެއްވުމަށްފަހު، ފެނަށް ގިރުވާލާނީއެވެ.
އެޔަށްފަހު ޢަޢޫޒު ކިޔުމަށް ފަހު،
އާޔަތުލް ކުރުސި ކިޔުމަށްފަހު،
އަޢުރާފު ސޫރަތުގެ 117 ވަނަ އާޔަތުން 122 ވަނަ އާޔަތަށް ކިޔެވުމަށްފަހު،
ޔޫނުސް ސޫރަތުގެ 79 ވަނަ އާޔަތުން 82 ވަނަ އާޔަތަށް ކިޔެވުމަށްފަހު،
ތޯހާ ސޫރަތުގެ 65 އާޔަތުން 70 ވަނަ އާޔަތަށް ކިޔެވުމަށްފަހު،
ސޫރަތުލް ކާފިރޫން ކިޔެވުމަށްފަހު،
ސޫރަތުލް އިޚުލާސް ކިޔަވައި،
އަދި ސޫރަތުލް ފަލަޤި ކިޔެވުމަށްފަހު،
އަދި ސޫރަތުއް ނާސި ކިޔެވުމަށްފަހު،
ފެނަށް ފުމެލާނީއެވެ.
(ބޭނުން ނަމަ ފެނަށް ތިން ފަހަރު ކިޔަވާފައި ފުމެލެވިދާނެއެވެ.)
ދެން 3 ފަހަރު ފެން ބުއިމަށްފަހު ބާކީ ހުރި ބައިން ފެންވަރާނީއެވެ.
ދުވާލަކު އެއްފަހަރު ނުވަތަ ދުވާލަކު ދެ ފަހަރު ހެދުނާ ހަވީރު ފެންވެރިދާނެއެވެ.
ބަލި ރަނގަޅުވަންދެން މިކަން ކުރެވިދާނެއެވެ.
މިއީ ދެމަފރިން ދުރުކުރަން ހަދާފައި ހުންނަ ސިޙުރަށް ފައިދާބޮޑު ފަރުވާއެކެވެ.
މަޞްދަރު: މިއީ ހިސްނުލް މުސްލިމްގެ މުއައްލިފު، ސަޢީދު ޤަޙްތާނީ ލިޔުއްވާފައިވާ ޤުރުއާނާއި ސުންނަތުން ރުޤުޔާގެ ފަރުވާ މިފޮތުން ނަގާފައިވާ ފަރުވާއެކެވެ.
ނިމުނީ.
