ބޮލީވުޑްގެ މަޝްހޫރު ތަރި މަލައިކާ އަރޯރާގެ ބައްޕަ އަނިލް އަރޯރާ މިއަދު އިމާރާތަކުން ފުންމާލައިގެން އަމިއްލައަށް މަރުވެއްޖެއެވެ.
ރިޕޯޓްތައް ބުނި ގޮތުގައި، އަނިލް މަރުވީ އޭނާ މުމްބާއީގައި ދިރިއުޅޭ ގޭގެ ޓެރަސް މަތިން އަމިއްލަ އަށް ފުއްމާލައިގެންކަމަށެވެ. މި ހާދިސާ ހިނގާފައި ވަނީ ހެނދުނު 9:00 އެހާކަށްހާ އިރު އެވެ. ބައްޕަ މަރުވި އިރު، މަލައިކާ ހުރީ ޕޫނޭގަ އެވެ. އަނިލް ވަނީ މަލައިކާގެ މަންމަ ޖޮއިސް ޕޮލިކާޕް، އެ ކުދިން ވަރަށް ކުޑައިރު ވަރިކޮށްފައެވެ.
View this post on Instagram
ނަމަވެސް އޭނާ ވަނީ އެހަބަރާއި އެކުގައި އެނބުރި މުމްބާއީ އަށް ގޮސްފައިއެވެ. އަދި ކޮއްކޮ އަމްރުތާ އާއި މަލައިކާ ގެ ދަރިފުޅުވެސް ވަނީ އެގެއަށް ގޮސްފައިއެވެ. އަދި އެމީހުންގެ އެންމެ ގާތް ރަހުމަތެރިއާ ކަރީނާ ކަޕޫރު ހާން ވެސް ވަނީ އެގެއެއަށް ގޮސްފައެވެ.
އަދި މަލައިކާގެ ކުރީގެ ފިރިމީހާ އަރްބާޒް ހާން އާއި ކުރީގެ ލޯބިވެރިޔާ އަރްޖުން ކަޕޫރް ވެސް ވަނީ އެ ގެއަށް ގޮސްފައެވެ. އަރްބާޒްގެ ބައްޕަ ސާލިމް ހާން އާއި މަންމަ ސަލްމާ ހާން އަދި އެ އާއިލާގެ އިތުރުން ބައެއް މެމްބަރުން ވެސް ވަނީ އެ ގެއަށް ގޮސްފައެވެ.
View this post on Instagram
ބޮލީވުޑްގެ ގިނަ ތަރިން ތަކެއް އެގެއަށް ޒިޔާރަތް ކުރަމުން އަންނަ އިރުގައި ސޯޝަލް މީޑިއާގައި ވެސް އަންނީ ހިތާމާގައި ބައިވެރި ވަމުންނެވެ. މަލައިކާގެ ބައްޕަގެ މަރާ ގުޅިގެން އެ ހާދިސާ އިތުރަށް އަންނަނީ ތަހުގީގު ކުރަމުންނެވެ.
