ރާގު! ހަމްނޭތޮ ދިލްކޮ އާޕްކެ ޤަދްމޯންމެ ރަކްދިޔާ.
ކައުސާހިބާގެ ނަންފުޅު ދޭހުން ވިދާނެޔޭ
އައުދާނަކަން އެ ކީރިތި ފަނޑުވުންނުވާނެޔޭ
ޞަފްޙާތަކަށް ހަނދާނުގެ ނިމުމެއް ނުވާނެޔޭ
ތަޢުރީފުގައި ކިޔޭ މިސަނާ ހުސްނުވާނެޔޭ
ޢަދަދެއްނުވާ ޞަލާތުގެ ބަރަކާތްތަކާއެކީ 2
ޢަދަދެއްނުވާ ސަލާމުގެ ތުޙްފާތަކާއެކީ
މަދަޙައިގެރީތި ޝިޢުރު ވި ތާޒާ އޮހޭނެޔޭ
އަކްވާނުގާއި ޤުދޫމުގެ ފިނިރޯޅިޔާއެކީ 2
ތަކުރާރުވާ ތަޙިއްޔަތު ފަރިރި މޫސުމާއެކީ
ލަހުޖާތަކުން އަރާހުރި ދޫތައް ހިނގާނެޔޭ
މަތިވެރިވި ޚަޞީލަތާ އަދި ޚިލްޤަތުގެ މާތްކަމުން 2
މަތިވެރި ޚުލުޤުފުޅާއެކު ހިތްޕުޅުގެ ހެޔޮކަމުން
މަތިވެރިވި ޙަމްދުގައިފަރި މާތައް ފޮޅޭނެޔޭ
ޝަރަފާއި ޢިއްޒަތާއި ޤަދަރު މާތްވި އެންމެހައި 2
ބަރަކާތްތަކާ ކަރަމްއަދި މަތިވެރިވެގެންވިހައި
ދަރަޖައިގެ އެންމެހައި އުހުގައި އަބަދު ވާނެޔޭ
ޒިކުރާވެވޭ ޙަބީބުގެ މީލާދުގައި މިހެން 2
އިތުރުވި ރަބީޢުއައްވަލު ދާތީވެ އެކުވެގެން
ފިކުރާ ޚިޔާލުތައް ދިރި ލޯބިން ފުރޭނެޔޭ
14 ސެޕްޓެމްބަރު 2024
*عبدالعزيز قاسم
ލިލީ ނ.މަނަދޫ
