އެސް.އޯ.އީތަކުގެ ކުންފުނިތަކުގެ ޑިރެކްޓަރުންގެ ބޯޑަށް ބޭނުންވާ އެކައުންޓިންގ އެންޑް ފައިނޭންސް ދާއިރާގެ މެންބަރުން ޢައްޔަންކުރުމަށް އެކުލަވާލެވުނު ޑިރެކްޓަރުންގެ ޕޫލް އާންމުކޮށްފިއެވެ.
މިގޮތުން ޕްރައިވެޓައިޒޭޝަން އެންޑް ކޯޕަރޭޓައިޒޭޝަން ބޯޑުން ނެރުނު ނޫސްބަޔާނެއްގައި ވަނީ ޤާނޫނު ނަންބަރު: 2013/3 (ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓް ކުރުމުގެ ޤާނޫނު) ގައިވާ ގޮތުގެ މަތިން، ސަރުކާރު ހިއްސާވާ ކުންފުނިތަކުގެ ޑިރެކްޓަރުންގެ ބޯޑަށް ޑިރެކްޓަރުން ޢައްޔަންކުރުމުގައި ޢަމަލުކުރާ އުސޫލައި ކޯޕަރޭޓް ގަވަރނަންސް ކޯޑް ފޮރ ސްޓޭޓް އޯންޑް އެންޓަޕްރައިސަސްގައި ބަޔާންކުރަ މިންގަނޑުތަކުގެ ތެރެއިން ޑިރެކްޓަރުންގެ ބޯޑަށް ޢައްޔަންކުރަންޖެހޭ އެކައުންޓިންގ އެންޑް ފައިނޭންސް ދާއިރާގެ ޑިރެކްޓަރުން ޢައްޔަންކުރުމަށް އެކުލަވާލެވުނު ޑިރެކްޓަރުންގެ ޕޫލްގައި ހިމެނިފައިވާ ފަރާތްތަކުގެ މަޢުލޫމާތު އާންމުކޮށްފައިވާ ކަމަށެވެ.
މި ލިސްޓު ތިރީގައިވާ ލިންކުން ފެނިވަޑައިގަންނަވާނެއެވެ.
