އެކްޓަރު އަބިޝޭކް ބަޗަން ގެ ކުރިއަށް އޮތް ފިލްމް "ބީ ހެޕީ" ގެ ޕޯސްޓަރު ދައްކާލައިފިއެވެ.
ޕޯސްޓަރުން އަބިޝޭކް އާއި އެކުގައި ފެނިގެންދަނީ ކުޑަ އަންހެން ކުއްޖެކެވެ. އެއީ އިނާޔަތު ވަރުމާއެވެ. މި ފިލްމަކީ ގިނަ ތަރިންތަކެއް ހިމެނޭ ފިލްމެކެވެ. ޕޯސްޓަރު އާންމުކުރި ނަމަވެސް ފިލްމް ދައްކާ ތާރީހެއް އިއުލާން ކޮށްފައެއް ނުވެއެވެ. ނަމަވެސް މި ފިލްމް ވަރަށް އަވަހަށް ދައްކާނެ ކަމަށް ބުނެފައިވެއެވެ.
View this post on Instagram
މި ފިލްމަކީ މަޝްހޫރު ކޮރިއޮގްރާފަރު ރެމޯ ޑި ސޫޒާ އާއި އޭނަގެ އަންހެނުން ލިޒެލް ޑި ސޫޒާގެ ޕްރޮޑިއުސްކޮށް ގެނެސްދޭ ފިލްމެކެވެ. "ބީ ހެޕީ" ޑައިރެކްޓްކުރީ ވެސް ރެމޯ އެވެ. މީގެ ކުރިން ވެސް ބައެއް ފިލްމް ތަށް ރެމޯ ވަނީ ޑައިރެކްޓް ކޮށް ގެނެސްދީފައެވެ.
ބައްޕައަކާއި އަންހެން ދަރިއަކާ އޮންނަ ގުޅުން ނެށުމުގެ ތެރެއިން ދައްކުވައިދޭ، މި ފިލްމުގެ އިތުރު ކާސްޓުންގެ ތެރޭގައި ނޯރާ ފަތުހީ، ސޫރަޖް ޕަންޖޯލީ، ރާގަވް ޖުޔަލް، ޖޯނީ ލީވާ އަދި ނައްސާރު ހިމެނެ އެވެ. ފިލްމް ޕްރިމިއާ ކުރާނީ އެމެޒޯން ޕްރައިމްއިންނެވެ.
