މައިން ބަފައިންގެ ވާރުތަ މުދަލާއި ފައިސާއިން ދިރިއުޅެން ބޭނުން ނުވާކަމަށް މަޝްހޫރު އެކްޓަރު ސައިފް އަލީ ހާން ބުނެފައެވެ.
މިވާހަކަ އޭނާ ދައްކައިފައިވަނީ އިންޑިއާ ޓުޑޭއަށް ދިން އިންޓަވިއުއެއްގައިއެއެވެ. ސައިފް މިހާރު އަންނަނީ އޭނާގެ ކުރިއަށް އޮތް ފިލްމް "ދެވަރާ" ގެ ޕްރޮމޯޝަން ތަށް ކުރިއަށް ގެންދަމުންނެވެ. މި އިންޓަވިއުގައި ވާހަކަ ދައްކަމުން އޭނާ ބުނެފައިވަނީ މައިން ބަފައިންގެ ވާރުތަ މުދަލާއި ފައިސާއިން ދިރިއުޅުމަކީ އޭނާ ބޭނުންވާ ގޮތެއް ނޫންކަމަށެވެ.
އަދި އޭނާއަކީ އިންޑިއާގެ ނުފޫޒުގަދަ އާއިލާއަކަށް ނިސްބަތްވި މީހެއް ނަމަވެސް ބޮޑުވަމުން އައިއިރު އާއިލާގެ ވާރުތަ މުދަލަށް ބަރޯސާ ނުވާން ދަސްކޮށްދިން ކަމަށް ވެސް ބުނެފައިވެއެވެ. ސައިފް އަކީ ޝާހީ އާއިލާއެއް އެއް ކަމަށްވާ ފަތައުޑީ ހާންދާން އަށް ނިސްބަތްވާ މީހެކެވެ. އަދި އާއިލާގެ އަގުބޮޑު ވާރުތަ މުދާތަކުގެ ތެރޭގައި ޕެލެސް އަކާއި ދަނޑުބިންތަށް ހިމެނެއެވެ.
View this post on Instagram
ސައިފްގެ ބައްޕަ މަންސޫރު އަލީ ހާން ޕަތައުޑީ އަކީ އިންޑިއާގެ މަޝްހޫރު ކްރިކެޓް ކުޅުންތެރިއެކެވެ. އަދި މަންމަ ޝަރުމިލާ ޓެގޯރް އަކީ ބޮލީވުޑްގެ މަޝްހޫރު ބަތަލާއެކެވެ. 54 އަހަރުގެ ސައިފް އާއިލާގައި ތިބެނީ އޭނައާއި އޭނާގެ ދެ އަންހެން ކޮށްކޮއެވެ. އެއީ 48 އަހަރުގެ ސަބާ އާއި 45 އަހަރުގެ ސޯހާއެވެ.
ސައިފް ކައިވެނި ކޮއްގެން އުޅެނީ މަޝްހޫރު ބަތަލާ ކަރީނާ ކަޕުރު ހާންއެވެ. އެކައިވެނިން އޭނާ އަށް ވަނީ ދެ ފިރިހެން ކުދިން ލިބިފައިއެވެ. އަދި ކުރިން އޭނާ ކުރި ކައިވެނިން ބަތަލާ އަމްތުރާއާއި އޭނާ އަށް ވަނީ އަންހެން ކުއްޖަކާއި ފިރިހެން ކުއްޖެއް ލިބިފައިއެވެ. އެއީ މިހާރު ބޮލީވުޑްގައި ފިޔަ ޖަހަމުން އަންނަ ބަތަލާ ސާރާ އަލީ ހާންއާއި ބޮލީވުޑަށް ނުކުތުމުުގެ މަގުމަތީގައި ހުރި އިބްރަހިމް އަލީ ހާންއެވެ.
