ބޮލީވުޑްގެ ސްޕަސްޓާރު ޝަހުރުކް ހާން ގެ ފިލްމް ކުންފުނި ރެޑް ޗިލީޒް އެންޓައިންމަންޓުން ޕްރޮޑިއުސްކުރާ އިތުރު ފިލްމަކުން ބަތަލާ ބޫމީ ޕޭޑްނޭކަރް އަށް ފުރުސަތު ލިބިއްޖެއެވެ.
އެ ފިލްމް ކުންފުނީގެ ފިލްމް އަކުން މި އަހަރުގެ ކުރީކޮޅު ވެސް އޭނާ ވަނީ ފެނިގެން ގޮސްފައިއެވެ. އެއީ ނެޓްފްލިކްސް އިން ގެނެސްދިން "ބަކްޝަކް" އެވެ. މި ފިލްމް އަކީ މާބޮޑު ކާމިޔާބެއް ހޯދުނު ފިލްމްއެއް ނޫނެވެ. ބޫމީ ގެ އިތުރުން ފިލްމް އިން ފެނިގެންދިއައީ ވެސް މާ މަޝްހޫރު ނޫން މޫނުތަކެކެވެ.
މީޑިއާތަކުން ރިޕޯޓްކޮށްފައިވާ ގޮތުގައި މި ފިލްމަކީ ވެސް ފެބްރުއަރީގައި ގެނެސްދިން "ބަކްޝަކް" ގެ ޑައިރެކްޓަރު ޕުލްކިތު ހަދަން ހަމަޖެހިފައިވާ ފިލްމެކެވެ. ނަމަވެސް މިއާ ބެހޭ އިތުރު އެއްވެސް ތަފުސީލެއް އަދި ހާމައެއް ނުކުރެ އެވެ.
View this post on Instagram
ބޫމީގެ ކުރިއަށް އޮތް ޕްރޮޖެކްޓްތަކުގެ ތެރޭގައި އެމެޒޯން ޕްރައިމް ވީޑިއޯ އިން ގެނެސްދޭން ތައްޔާރުވަމުން އަންނަ ސީރީޒް "ދަލްދަލް" އާއި ނެޓްފްލިކްސް އިން ގެނެސްދޭން ތައްޔާރުވަމުން އަންނަ ސީރީޒް "ދަ ރޯޔަލްސް" ހިމެނެ އެވެ.
