ޑާކް ރެއިން އެންޓަޓައިިންމަންޓު ގެނެސްދިނުމަށް ތައްޔާރު ވަމުން އަންނަ ފިލްމް "ބިބީ" ގެ ކައުންޓްޑައުނެއް ފަށައިފިއެވެ.
މި ފިލްމް ރިލީޒް ކުރުމަށް ތާވަލު ކޮށްފަިއވަނީ އޮކްޓޯބަރު މަހުގެ 7 ވަނަ ދުވަހުގައިއެވެ. މި ފަހުންވަނީ ފިލްމް ގެ ޕްރޮމޯޝަނަލް ލަވަ ވެސް ދައްކައިލައިފައިއެވެ. އަދި ފިލްމްގެ ޕޯސްޓަރު ތަކެއްވެސް ވަނީ ދައްކައިލައިފައިއެވެ.
މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ބިބީ" އަލަށް ޑައިރެކްޝަނަށް ނުކުތް ޝަހުދާ މަހުމޫދު ލިޔެ، ޑައިރެކްޓްކޮށް ގެނެސްދޭ ފުރަތަމަ ފީޗާ ފިލްމެވެ. މީގެ ލީޑް ތަރިންނަކީ އޭނަގެ ފިރިމީހާ ޝަރަފު އަބްދުﷲ އާއި މަޝްހޫރު ބަތަލާ މަރިޔަމް މަޖުދާ (މަޖޫ) އެވެ.
ފިލްމުގެ އިތުރު ކާސްޓުންގެ ތެރޭގައި ޝީލާ ނަޖީބު، އަހުމަދު ސައީދު، އަބްދުﷲ ޝާފިއު (ފުބޫ)، އަހުމަދު ޝާކިރު (ޝާއްކޮ އައްމަޑޭ)، މަލީހާ ވަހީދު، ޝުހާ، އާދަމް ރިޒްވީ، ސާމީ، އަމަން ހާޒިފު އަދި މަރިޔަމް ހަލީމް ހިމެނެ އެވެ.
