މަނަދޫ އަޒީގެ ޅެންހާރު: ތިޔަ ސާހިބާގެ ޒިކުރާ

*ރާގު! ޖައިސާކިޔާހެއި ތުނޭ (ހިންދީ)
މަޞްލަޙަތުނެތް އަނބިންއޭ (ދިވެހި)

ޝުކުރާއެކުގައި ރީތި ސަނާތައް ފޮނުވޭމީ ލޯބީގާ

ޒިކުރާގައިމިހެން ފޮނުވޭއިތުރު މީވެދުމޭ ލޯބީގާ

** ** ** ** ** ** ** **

ތިޔަސާހިބާގެ ޒިކުރާ ދިރެމުން އަބަދު ހިނގާނޭ 2

ތިޔަނަންފުޅަށް ނިހާއީ ޝަރަފާ ޤަދަރު ލިބޭނޭ
(ތިޔަނަންފުޅަށް ނިހާއީ)

ޢަދަދެއްނުވާ ޞަލާތާ ޢަދަދެއްނުވާ ސަލާމާ

(ޢަދަދެއްނުވާ ޞަލާތާ)

ޢަދަދެއްނުވާ ޞަލާތާ ޢަދަދެއްނުވާ ސަލާމާ

ބަދަލެއްނުވާގޮތެއްގައި ހިތްތަކުގެ އިޙްތިރާމާ

(ހިތްތަކުގެ އިޙްތިރާމާ)

މަދަޙައިގެރީތި ޝިޢުރުން ދޫތައްމިހެން ހިނގާނޭ

ތިޔަނަންފުޅަށް ނިހާއީ ޝަރަފާ ޤަދަރު ލިބޭނޭ

ތިޔަނަންފުޅަށް ނިހާއީ،،.

މަތިވެރި ތަޙިއްޔަތާހެޔޮ ބަރަކާތްތަކާއެކީގައި

(މަތިވެރި ތަޙިއްޔަތާހެޔޮ)

މަތިވެރި ތަޙިއްޔަތާހެޔޮ ބަރަކާތްތަކާއެކީގައި

މަތިވެރި ކަރާމަތާމާތް ބަދަލެއްނުވާގޮތެއްގައި

(ބަދަލެއްނުވާގޮތެއްގައި)

މަތިވެރި ތިބާމަޒާރަށް އަބަދާ އަބަދު އޮހޭނޭ

ތިޔަސާހިބާގެ ޒިކުރާ ދިރެމުން އަބަދު ހިނގާނޭ

ތިޔަނަންފުޅަށް ނިހާއީ ޝަރަފާ ޤަދަރު ލިބޭނޭ

ތިޔަންފުޅަށް ނިހާއީ

9 އޮކްޓޫބަރު 2024
*عبدالعزيز قاسم
ލިލީ ނ.މަނަދޫ