އިލެކްޝަންސް ކޮމިޝަނުގެ މެންބަރުކަމަށް ޢަބްދުލް ޙަޞީބު އިސްމާޢީލް އައްޔަންކުރުމަށް ރައްޔިތުންގެ މަޖިލީހުން ވަނީ ފާސްކޮށްފައެވެ. މިއީ އެ ކޮމިޝަނުގެ ރައީސް ފުވާދު ތައުފީގުގެ މުއްދަތު ހަމަވުމާ ގުޅިގެން ރައީސުލްޖުމްހޫރިއްޔާ ހުށަހެޅުއްވި ނަންފުޅެކެވެ.
މިނިވަން މުއައްސަސާތަކުގެ ކޮމިޓީން ހުށަހެޅި ރިޕޯޓާ އެއްގޮތަށް، މަޖިލީހުގައި ބައިވެރިވި 67 މެންބަރުންގެ އިއްތިފާގުން މި ނަންފުޅު ވަނީ ފާސްކޮށްފައެވެ. ޢަބްދުލް ޙަޞީބަކީ މިހާރު އިލެކްޝަންސް ކޮމިޝަނުގެ އެސިސްޓެންޓް ޑިރެކްޓަރެއްގެ މަޤާމު ފުރުއްވަމުން ގެންދަވާ ބޭފުޅެކެވެ.
އިލެކްޝަންސް ކޮމިޝަނުގެ މެންބަރުގެ މަގާމަށް މިހާރު އެ ކޮމިޝަނުގެ އެސިސްޓެންޓް ޑިރެކްޓަރުގެ މަގާމުގައި ހުންނެވި ޢަބްދުލްޙަސީބް އިސްމާޢީލް އައްޔަން ކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ރައްޔިތުންގެ މަޖިލީހަށް ފޮނުއްވީ މިދިޔަ މަހުގެ 14 ވަނަ ދުވަހުއެވެ.
