ހިޔާ ފްލެޓުގެ އެޕާޓްމަންޓެއްގައި މީހަކު ރަހީނުކޮށްގެން އުޅޭކަމުގެ މަޢުލޫމާތު ލިބުމާ ގުޅިގެން، ފުލުހުން އެ ތަނަށް ވަދެ އޮޕަރޭޝަނެއް ކުރިއަށް ގެންގޮސްފިއެވެ.
ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވިދާޅުވި ގޮތުގައި، ފުލުހުން އެ ތަނަށް ވަދެވުނު އިރު، ރަހީނުކުރެވުނު މީހާގެ ބޯ ބޭލުމަށްފަހު، އޭނާގެ އިނގިލި ބުރިކުރުމަށް ތައްޔާރުވަމުން ދިޔައެވެ.
މި ހާދިސާ ހިނގާފައިވަނީ އެޗް9 ގެ 20 ވަނަ ފްލޯގެ 11 ވަނަ އެޕާޓްމަންޓުގައެވެ. މިކަމާ ގުޅިގެން 12 މީހަކު ވަނީ ހައްޔަރުކުރެވިފައެވެ. މިނިސްޓަރު އިހުސާން ވިދާޅުވި ގޮތުގައި، މި މައްސަލައަކީ މަސްތުވާތަކެއްޗާ ގުޅުންހުރި މައްސަލައެއްތޯ ނުވަތަ ފައިސާއާ ގުޅުންހުރި މައްސަލައެއްތޯ ދެނެގަނެވޭނީ ތަޙުޤީޤަށްފަހުގައެވެ.
ހިޔާ ފްލެޓުގެ ބައެއް އެޕާޓްމަންޓުތައް މަސްތުވާތަކެތީގެ އައްޑައަކަށް ބަދަލުވެފައިވާކަމުގެ ޝަކުވާ ރައްޔިތުން ކުރަމުންދާކަން ފާހަގަކުރެވެއެވެ. މި މައްސަލަ ޙައްލުކުރުމަށް އަވަސް ފިޔަވަޅުތަކެއް އެޅުމަށް ގިނަ ބަޔަކު ގޮވާލަމުންދެއެވެ.
މި ރަހީނުގެ މައްސަލާގައި ހިމެނޭ 12 މީހުން މިހާރު ވަނީ ހައްޔަރުކޮށްފައެވެ.
ކިޔުންތެރިންގެ ޚިޔާލުތައް:
މިގައުމުގެ ވެރިން ގައުމު ހަލާކު ކޮށްފި!