ރާއްޖެއިން އެންމެ ފުރަތަމަ އޮލިމްޕިކްސްއަށް ކޮލިފައިވި ކުޅިންތެރިޔާގެ ޝަރަފް ލިބިފައިވާ މުޙައްމަދު އަޖްފާން ރަޝީދު، އުމުރުން 15 އަހަރުގައި އުންމީދު ކުރީ ޤައުމީ ޗެމްޕިއަންކަން ހޯދާށެވެ. މުޙައްމަދު އަޖުފާން އަކީ ޤައުމީ ޗެމްޕިއަންއެކެވެ. އެއީ ޤައުމީ މުބާރާތް ރެކޯޑް އަދަދަށް ކާމިޔާބު ކޮށްފައިވާ ކުޅުންތެރިޔެކެވެ. ބައިނަލްއަޤްވާމީ މުބާރާތްތަކުން މެޑެލް ހޯދާފަައިވާ ފަޚްރުވެރި ބެޑްމިންޓަން ކުޅުންތެރިއެވެ. އަޖުފާން ވަނީ 2020 ވަނަ އަހަރު "އަޖުފާން އިންޓަނޭޝަނަލް ބެޑްމިންޓަން އެކެޑެމީ" ނަމުގައި އެކެޑެމީއެއް އުފައްދާފައެވެ. އެކެޑެމީ ހެދުމުގެ ބޭނުމަކީ އިންޓަނޭޝަނަލް މުބާރާތްތަކުގައި މެޑަލް ހޯދުމުގެ ވިސްނުން ގެނެސްދީ އެހިސާބަށް ކުޅުންތެރިން ގެނެސްދިނުން ކަމަށް އޭނާ ބުނެފައިވެއެވެ. އޭނާގެ އެކެޑެމީން ހިންގާ ޕްރޮގްރާމްތަކުގައި ބައިވެރިވެ، އެތައް ކުދިންނެއް އަންނަނީ ތަމްރީން ހޯދަމުންނެވެ.
