ވޯލްޑްކަޕް ކޮލިފައިންގައި ރޭ ކޮންގޯ އަތުން ބަލިވެ އެފްރިކާގެ ގަދަބާރު ނައިޖީރިއާއަށް އަންނަ އަހަރުގެ ފީފާ ވޯލްޑްކަޕްގެ ޖާގަ ގެއްލިއްޖެއެވެ.
ކޮންގޯ އިން ނައިޖީރިއާ ބަލިކުރީ ޕްލޭއޮފްގައި ޕެނަލްޓީ ޖަހައިގެންނެވެ.
ފުރިހަމަ ވަގުތު ހަމަވިއިރު 1-1 އިން އެއްވަރު ވެފައި އޮތުމުން ނަތީޖާ ނެރެން ޕެނަލްޓީ ޖެހިއިރު ނައިޖީރިއާގެ ސެމީ އަޔީ ޖެހި ޕެނަލްޓީވަނީ ނާކާމިޔާބު ވެފައެވެ.
މިއީ ކޮންގޯ ވޯލްޑްކަޕަށް ކޮލިފައިވި ދެވަނަ ފަހަރެވެ. އެ ގައުމުން އެންމެ ފަހުން ވޯލްޑްކަޕް ކުޅެފައިވަނީ 1974 ވަނަ އަހަރުއެވެ.
