ބާސެލޯނާގެ ކީޕަރު ޖޯން ގާސިއާއަށް އަނިޔާގެ ސަބަބުން ލީގުގައި މި މަހުގެ 26 ވަނަ ދުވަހު ރެއާލްމެޑްރިޑާ ދެކޮޅަށް ކުޅޭ އެލްކްލެސިކޯ މެޗުގައި ނުކުޅެވޭނެކަން ޔަގީންވެއްޖެއެވެ.
ގާސިއާގެ ކަކުލަށް އަނިޔާވީ ސެޕްޓެމްބަރ 25 ވަނަ ދުވަހުގައި ބާސެލޯނާ އަދި އޮވިއެޑޯ ބައްދަލުކުރިމެޗުގައެވެ.
އެ އަނިޔާއާ ގުޅިގެން އޭނާ ވަނީ ވާތު ކަކުލުގެ މިނިސްކަސް ރިޕެއަރ ސާޖަރީއެއް ކޮށްފައެވެ.
މުންޑޯ ޑިޕޯޓިވޯ އިން ރިޕޯޓްކުރާގޮތުގައި ގާސިއާ މުޅިން ރިކަވާ ވާން އަދި މަހަކަށްވުރެ ގިނަދުވަސް ނަގާނެއެވެ.
