އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން އެންމެ ފަހުގެ ޗެމްޕިއަނުން ލިވަޕޫލް އަދި މެންޗެސްޓަރ ސިޓީވެސް ބަލިވެއްޖެއެވެ.
ލިވަޕޫލް ބަލިވީ ނޮޓިންހަމް ފޮރެސްޓް އަތުން 3:0 ގެ ނަތީޖާއަކުންނެވެ.
މެޗުގައި ނޮޓިންހަމްގެ ގޯލުތައް ޖަހާދިނީ މުރިލޯ، ސަވޯނާ އަދި ގިބްސް ވައިޓް އެވެ.
މެންޗެސްޓަރ ސިޓީ އަދި ނިއުކާސަލް ޔުނައިޓެޑް ބައްދަލުކުރި މެޗް 2:1 އިން ނިއުކާސަލް ކާމިޔާބުކުރި އެޓީމުގެ 2 ގޯލުވެސް ޖަހާދިނީ ހާވޭ ބާންސް އެވެ.
މި ނަތީޖާއާއެކު ސިޓީ އޮތީ 22 ޕޮއިންޓާއެކު ތާވަލުގެ 3 ވަނައިގައެވެ. އަދި 18 ޕޮއިންޓާއެކު ލިވަޕޫލް އޮތީ 11 ވަނައިގައެވެ.
