ސްޕެނިޝް ލަލީގާގެ އެއްވަނައިގައި ހަމަޖެހިލަން ލިބުނު ފުރުސަތު ރެއާލްމެޑްރިޑުން ގެއްލުވާލާ ލަލީގާގެ ވާދަވެރިކަން ބޮޑުވެއްޖެއެވެ.
މެޑްރިޑް އަދި އެލްޗޭ ރޭ ކުޅުނު މެޗު ނިމުނީ 2:2 އިން އެއްވަރުވެގެނެވެ.
މެޗުގައި ރެއާލުގެ ލަނޑުތައް ޖަހާދިނީ ހޮޖްސަން އަދި ޖޫޑް ބެލިންހަމްއެވެ.
ރެއާލް އެއްވަރުވިއިރު ވާދަވެރި ބާސެލޯނާ އިން ވަނީ 4:0 އިން އެތްލެޓިކް ކްލަބް ބަލިކޮށްފައެވެ. އެއާއެކު ރެއާލް އާ ބާސާ އާ ދެމެދުގެ ތަފާތު ވަނީ ޕޮއިންޓަކަށް ކުޑަވެފައެވެ.
32 ޕޮއިންޓާއެކު ރެއާލް 1 ވަނަ ލިބޭއިރު ބާސާ 2 ވަނައިގައި އޮތީ 31 ޕޮއިންޓާއެކުއެވެ. އަދި 29 ޕޮއިންޓާއެކު ތިންވަނައިގައި އޮތީ ވިލަރެއާލްއެވެ.
