ޔޫއެފާ ޗެމްޕިއަންސް ލީގުގައި ރޭ ޕީއެސްވީ އަދި ލިވަޕޫލް ވާދަކޮށް 4:1 ގެ ތަފާތުބޮޑު ނަތީޖާއަކުން ޕީއެސްވީ ކާމިޔާބުކޮށްފިއެވެ.
މެޗުގައި އެންމެ ފުރަތަމަ ލީޑު ނެގީ ޕީއެސްވީ އިންނެވެ. މިއީ މެޗުގެ 6 ވަނަ މިނުޓްގައި ލިބުނު ޕެނަލްޓީއަކުން އެޓީމުގެ ޕެރިސިކް ކާމިޔާބު ކޮށްދިން ލަނޑެކެވެ. އެއަށްފަހު މާގިނަ އިރުތަކެއް ނުވެ ލިވަޕޫލްގެ ސޮބޮސްލައި ވަނީ ނަތީޖާ 1:1 އަށް ހަމަހަމަ ކޮށްފައެވެ.
ނަމަވެސް އޭގެ ފަހުން ޕީއެސްވީއިން ފުލުފުލުގައި ތިން ލަނޑު ޖަހާފައެވެ. މި ލަނޑުތައް ޖަހާދިނީ ޓިލް އަދި ޑްރައުޗް އެވެ.
މި ނަތީޖާއާއަކު ލިވަޕޫލް އޮތީ ޗެމްޕިއަންސް ލީގު ތާވަލުގެ 13 ވަނައިގައެވެ.
