އިނގިރޭސި ޕްރިމިއާ ލީގުގައި ރޭ ވާދަވެރި ކުޅުމަކަށްފަހު މެންޗެސްޓަރ ސިޓީއިން ފުލްހަމް ބަލިކޮށްފިއެވެ.
މެޗު ސިޓީއިން ކާމިޔާބުކުރީ 5:4 ގެ ނަތީޖާއަކުންނެވެ.
މެޗުގެ ފުރަތަމަ ހާފުގައި ސިޓީއިން ވަނީ ފުލުފުލުގައި 4 ގޯލުޖަހާފައެވެ.
މި ގޯލުތައް ޖަހާދިނީ ހާލަންޑް، ރެއިންޖްޑާސް އަދި ފިލް ފޮޑޭންއެވެ. ފޮޑޭން ވަނީ މި މެޗުގައި ދެ ލަނޑު ޖަހާފައެވެ.
ދެވަނަ ހާފުގެ ކުރީކޮޅު ސިޓީގެ ފަސްވަނަ ލަނޑަކީ ފުލްހަމް ކުޅުންތެރިއެއް ބައިކޮޅަށް ވަން ލަނޑެކެވެ.
5 ލަނޑުގެ ލީޑެއްގައި ސިޓީ އޮއްވައި ފުލްހަމްއިން ވަނީ ފަހަތުނއ އަރާ 4 ލަނޑު ޖަހާފައެވެ.
ނަމަވެސް ފުރިހަމަ ވަގުތު ހަމަވުމުގެ ކުރިން އެޓީމަށް ނަތީޖާ ހަމަހަމަކުރެވޭ ގޮތެއް ނުވިއެވެ.
މި ނަތީޖާއާއެކު ސިޓީ އޮތީ 28 ޕޮއިންޓާއެކު ތާވަލުގެ ދެވަނައިގައެވެ. ފުލްހަމް އޮތީ 17 ޕޮއިންޓާއެކު 15 ވަނައިގައެވެ.
