ފައިނަލުގައި ބޮލޯނާ ބަލިކޮށް އިޓާލިއަން ސުޕަކަޕުގެ ތަށި ނަޕޯލީއިން އުފުލާލައިފިއެވެ.
ސައޫދީ އަރަބިއްޔާގެ ރިޔާޒްގައި ކުޅުނު މެޗުގައި ނަޕޯލީގެ ޑޭވިޑް ނެރޭސް ދެ ލަނޑު ކާމިޔާބުކޮށްދީފިއެވެ.
އުމުރުން 28 އަހަރުގެ ބްރެޒިލްގެ ވިންގަރ ނެރޭސް، ސެރީ އޭގެ ޗެމްޕިއަނުންނަށް ލީޑު ނަގައިދިނީ ވަރަށް ފުރިހަމަ ކާރލިންގް ޝޮޓަކުންނެވެ. އަދި ދެވަނަ ހާފުގައި ބޮލޯނިއާގެ ފަހަތުން ކުޅެން އުޅުމުގެ ތެރޭގައި ހެދުނު ގޯހެއްގެ ފައިދާ ނަގައި އޭނާ ވަނީ ނަޕޯލީގެ ލީޑު ފުޅާކޮށްދީފައެވެ.
"އަހަރެމެން މިތަނަށް އައީ އިޓަލީގެ ޗެމްޕިއަނުންގެ ގޮތުގައި، އަހަރެމެން ބޭނުންވީ މި ތަށި ހޯދަން، އަދި މިއަދުގެ މޮޅު ކުޅުމުން އެކަން ދައްކުވައިދީފިން،" ނަޕޯލީގެ ފޯވާޑް މެޓިއޯ ޕޮލިޓާނޯ މީޑިއާސެޓަށް ބުންޏެވެ.
"އަހަރެމެންނަށް މިއަށްވުރެ ގިނަ ލަނޑު ޖެހުނީސް، އެކަމަކު މި މޮޅާ މެދު އަހަރެމެން އުފާކުރަން."
ނަޕޯލީން މިހާރު ތިން ފަހަރު ސުޕަ ކަޕް ކާމިޔާބުކޮށްފައިވާއިރު، ބުރާސްފަތި ދުވަހު އޭސީ މިލާން އަތުން މޮޅުވި ސެމީ ފައިނަލްގައި ޖެހި ލަނޑާއެކު ނެރޭސް ވަނީ މި މުބާރާތުގައި ޖުމްލަ ތިން ލަނޑު ހަމަކޮށްފައެވެ.
އާންމުކޮށް ސެރީ އޭ އަދި އިޓަލީ ކަޕްގެ ޗެމްޕިއަނުންގެ މެދުގައި ކުޅޭ މި މުބާރާތް، 2023 ވަނަ އަހަރު ވަނީ ލީގާއި ކަޕްގެ ރަނަރަޕްވެސް ހިމެނޭ ގޮތަށް ފުޅާކޮށްފައެވެ.
ހަތަރު ޓީމު ވާދަކުރާ މި މުބާރާތް 2029 ވަނަ އަހަރާ ހަމައަށް ސައޫދީ އަރަބިއްޔާގައި ބޭއްވުމަށް ވަނީ ހަމަޖެހިފައެވެ.
