ޕޯޗުގަލުގެ ޤައުމީ ޓީމުގެ ކުޅުންތެރިޔާ އަދި މިހާރު ސައުދީއަރަބިއްޔާގެ އަލްނަސްރަށް ކުޅެމުންދާ ކްރިސްޓިއާނޯ ރޮނަލްޑޯގެ މޮޅު ކުޅުމުން ހައިރާންކުރުވާ ކަމަށާއި، އަދި ރޮނާލްޑޯއަކީ ދުނިޔޭގެ އެންމެ މޮޅު ކުޅުންތެރިޔާ ކަމަށް، އާޖެންޓީނާގެ މަޝްހޫރު އަންހެން ފުޓްބޯޅަ ކުޅިންތެރިޔާ ޔަމީލާ ރޮޑްރިގެޒް ބުނެފިއެވެ.
ޔަމީލާ، ރޮނާލްޑޯއަށް ސަޕޯޓް ކުރާކަން ހާމަކުރަމުން، އޭނާ ބުނީ، އޭނާގެ ވައަތު ފައިގައި ޖަހާފައިވާ ރޮނާލްޑޯ ރަމްޒުކޮށްދޭ ޓެޓޫއާއި، އޭނާގެ ފަލަމަސްގަނޑުގައި ޖަހާފައިވާ މެރަޑޯނާ ރަމްޒުކޮށްދޭ ޓެޓޫ އިން އޭނާގެ ސަޕޯޓް ކުރާ މީހުން އަންގައިދޭނެ ކަމަށެވެ.
"އަހަރެން އޭނާގެ ކޮންމެ ކަމަކަށް ގަޔާވޭ، އެއްވެސް އޮޅުމެއް ނެތް ގޮތުގައި އެއީ ދުނިޔޭގެ އެންމެ މޮޅު ކުޅުންތެރިޔާ."
ޔަމީލާ ބުންޏެވެ.
ރޮނާލްޑޯގެ ކުޅުން ފެންނަ ކޮންމެ ވަގުތަކު، އެހާ މޮޅަށް އޭނާއަށް އެ ކުޅެވެނީ ކިހިނެތްތޯ ހިތާހިތާ ސުވާލު ކުރެވޭ ކަމަށާއި، އޭނާގެ ފައިގައިވާ ޓެޓޫއިން ބުނެދެނީ އަބަދަށްޓަކައި، އޭނާގެ ހިތުގައި އެ ގަދަރު ކުރިސްޓިއާނޯ ރޮނާލްޑޯއަށް ދެވިފައިވާ ކަން ކަމުގައިވެސް ޔަމީލާ ބުންޏެވެ.
ކްރިސްޓިއާނޯ ރޮނާލްޑޯ އަކީ ޕޯޗުގަލްގެ ޓީމުގެ އެންމެ މުހިންމު ކުޅުންތެރިޔާއެވެ. ރޮނާލްޑޯ އަކީ ޕޯޗުގަލްގެ ފުޓްބޯޅައިގެ ތާރީހުގައި ވެސް އުފެދުނު އެންމެ މޮޅު ކުޅުންތެރިޔާއެވެ. ޕޯޗުގަލް އަކީ މޮޅު ކުޅުންތެރިންތަކެއް ނެރެފައިވާ ގައުމެކެވެ.
