އީޔޫގެ ޚާރިޖީ ސިޔާސަތާ ބެހޭ ވެރިޔާ ކާޔާ ކާލަސް، އީރާނުގެ މައްސަލައަށް މަޝްވަރާގެ މަގުން ހައްލެއް ހޯދުމަށް ގޮވާލައްވައިފިއެވެ. އަލްޖަޒީރާއިން ރިޕޯޓުކޮށްފައިވާ ގޮތުގައި، މިހާރު ޤާއިމުކޮށްފައިވާ ނާޒުކު ހަމަލާބަދަލުކުރުން ހުއްޓާލުމުގެ އެއްބަސްވުންތަކުގެ މެދުން އަލުން ފުރިހަމަ ހަނގުރާމައެއް ފެށިއްޖެނަމަ، އޭގެ ސަބަބުން ކުރިމަތިވާނެ ގެއްލުންތައް އިންތިހާއަށް ބޮޑުވާނެ ކަމުގެ އިންޒާރު އޭނާ ވަނީ ދެއްވާފައެވެ.
މި ބަޔާން ނެރުއްވާފައިވަނީ ލުބުނާނަށް އިސްރާއީލުން ދިން ހަމަލާތަކަކާ ގުޅިގެން، އީރާނުން އިސްރާއީލަށް މިސައިލު ހަމަލާތަކެއް ދީފައިވާ ދަނޑިވަޅެއްގައެވެ. މި ހަމަލާތަކާ ގުޅިގެން އެމެރިކާގެ ރައީސް ޑޮނަލްޑް ޓްރަމްޕް ވަނީ، މިހާރު ކުރިއަށްދާ ސުލްހައިގެ ވާހަކަތަކަށް ހުރަސްއެޅުނަނުދިނުމަށްޓަކައި، ދެ ފަރާތުންވެސް ހަމަލާބަދަލުކުރުން ވަގުތުން ހުއްޓާލުމަށް ބާރުއަޅާފައެވެ.
މި ހަމަަނުޖެހުންތަކަކީ 2026 ވަނަ އަހަރުގެ ފެބުރުވަރީ މަހު އެމެރިކާއާއި އިސްރާއީލުން އީރާނަށް ދިން ހަމަލާތަކަކާ އެކު ފެށުނު އީރާނު ހަނގުރާމައިގެ ބައެކެވެ. އެ ހަމަލާތަކުގައި އީރާނުގެ އެންމެ މަތީ ވެރިޔާ ޚާމަނައީ އަވަހާރަކޮށްލާފައިވާއިރު، އޭގެ ފަހުން އޭޕްރީލް މަހު ޤާއިމުކުރި ހަމަލާބަދަލުކުރުން ހުއްޓާލުމުގެ އެއްބަސްވުމަށް މިހާރު ވަނީ ދެ ފަރާތުން ދެމުންދާ ރައްދު ހަމަލާތަކުގެ ސަބަބުން ބޮޑެތި ގޮންޖެހުންތަކެއް ކުރިމަތިވެފައެވެ.
