އިންސާފުވެރި، މިނިވަން އިންތިޚާބެއް ބޭއްވުމަށްޓަކައި ރައީސް ޢަބްދުالله ޔާމީން ގެއަށް ބަދަލުކުރުމަށް އެހީތެރިވުމަށް، ރިޔާސީ އިންތިޚާބު އޮބްޒާވްކުރުމަށް ރާއްޖެ ވަޑައިގެންއުޅުއްވާ އީޔޫ ވަފްދުގެ އަރިހުން ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު އެދިވަޑައިގެންފިއެވެ.
ރިޔާސީ އިންތިޚާބް ހިނގާގޮތް ބެލުމަށްޓަަކައި ރާއްޖެއަށް ވަޑައިގެން ތިއްބެވި އީޔޫ ވަފުދުގެ އަރިހުން ނަޝީދު މިކަމަށް އެދިވަޑައިގެންނެވީ މިއަދު މަޖިލީސް އިދާރާގައި ބޭއްވި ބައްދަލުވުމެއްގައެވެ. މި ބައްދަލުވުމުގައި ޗީފް އޮބްޒާވަރު ޔޫރަޕިއަން ޕާލިމެންޓުގެ މެމްބަރު ނާޗޯ ސަންޗެޒް އަމޯ ވަނީ ބައިވެރިވެވަޑައިގެންފައެވެ.
ނަޝީދު ވިދާޅުވި ގޮތުގައި އީޔޫގެ ވަފުދުގެ އެދިވަޑައިގެންނެވީ އިންސާފުވެރި، މިނިވަން އިންތިހާބެއް ބޭއްވުމަށްޓައެވެ.
ކުރީގެ ރައީސް އަބްދުﷲ ޔާމީން ޢަބްދުލްޤައްޔޫމް މިނިވަން ކުރަން މުޒާހަރާއަށް ނުކުންނަވާނެ ކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވަނީ، ޑިމޮކްރެޓްސްގެ ކެނޑިޑޭޓް، އިލްޔާސް ލަބީބުގެ ކެމްޕޭނަށް ޏ. ފުވައްމުލަކަށް ވަޑައިގެން އެރަށު ރައްޔިތުންނާއި ބައްދަލު ކުރައްވައި ދެއްކެވި ވާހަކަފުޅުގައި ވިދާޅުވެފައެވެ.
ރައީސް ނަޝީދު ވިދާޅުވީ، މި ސަރުކާރުން ކުރީގެ ރައީސް ޢަބްދުﷲ ޔާމީން ޢަބްދުލްޤައްޔޫމާއި ދޭތެރޭ އަމަލު ކޮށްފައިވާ ގޮތަކީ އެއީ އެންމެން ވެސް ކަންބޮޑުވާ ކަމެއް ކަމަށެވެ. އަދި އެމްއެމްޕީއާރުސީގެ ވައްކަމުގެ މައްސަލައިގައި 273 މީހުން ހިމެނޭ އިރު، އެމައްސަލައިގައި އެންމެ ބޭފުޅަކު ހިފައި ހައްޔަރުކޮށް، ފަސް އަހަރުވީމާ އެއީ އިންސާފުގެ ގޮތުގައި ބަލައި ގަނެވޭނެ ކަމެއް ނޫން ކަމަށް ވެސް ރައީސް ނަޝީދު ވިދާޅުވިއެވެ.
