ވޭތުވެދިޔަ 3 މަސް ދުވަހުގެ ތެރޭގައި ގެވެށި އަނިޔާގެ 236 މައްސަލައެއް ރިޕޯޓްކޮށްފައިވާ ކަމަށް ފެމިލީ ޕްރޮޓެކްޝަން އޮތޯރިޓީ (އެފްޕީއޭ) ގެ ތަފާސްހިސާބުތަކުން ދައްކައިފިއެވެ. އެ އޮތޯރިޓީން ހާމަކުރި ގޮތުގައި، މި މުއްދަތުގައި ގެވެށި އަނިޔާގެ މައްސަލަތަކުގެ ރިފަރަލްތަކުގެ ޖުމްލަ އަދަދު ވަނީ 258 އަށް އަރާފައެވެ. މީގެ ތެރެއިން 59.3 އިންސައްތަ މައްސަލަ ހުށަހަޅާފައި ވަނީ މާލެ ސަރަހައްދުގެ މުއައްސަސާތަކަށެވެ. އަދި އަތޮޅުތަކުގެ ތެރެއިން ށ. އަތޮޅާއި ހދ. އަތޮޅުން ރިޕޯޓުކޮށްފައިވާ މައްސަލަތައް ގިނަކަން ފާހަގަކުރެވެއެވެ.
ތަފާސްހިސާބުތަކަށް ބަލާއިރު، އަނިޔާ ލިބުނު މީހުންގެ ތެރޭގައި ގިނައީ އަންހެނުންނެވެ. އެއީ 208 އަންހެނުންނާއި 73 ފިރިހެނުންނެވެ. އުމުރުފުރައަށް ބަލާއިރު 18 އަހަރުން މަތީގެ 170 މީހުން ހިމެނޭއިރު، 18 އަހަރުން ދަށުގެ 38 ކުޑަކުދިން ހިމެނެއެވެ. ގެވެށި އަނިޔާގެ ބާވަތްތަކުގެ ތެރެއިން އެންމެ ގިނައިން ހުށަހެޅިފައި ވަނީ ބަހުގެ ހަމަލާ ދިނުމާއި ނަފްސާނީ ގޮތުން އަނިޔާކުރުމުގެ މައްސަލަތަކެވެ. މީގެ އިތުރުން ޖިސްމާނީ އަނިޔާކުރުމާއި ބިރުދެއްކުމުގެ މައްސަލަތައް ވެސް ހިމެނެއެވެ.
އެފްޕީއޭއިން ވިދާޅުވީ، ގެވެށި އަނިޔާގެ ޝިކާރައަކަށްވާ ފަރާތްތަކަށް ބޭނުންވާ ޤާނޫނީ އެހީތެރިކަން ފޯރުކޮށްދެމުންދާ ކަމަށެވެ. އަދި މިފަދަ މައްސަލަތަކަށް މުޖުތަމައު ހޭލުންތެރިކުރުވުމަށް ޚާއްޞަ ހަރަކާތްތަކެއް ސިލްސިލާކޮށް ކުރިއަށް ގެންދާ ކަމަށް ވެސް އެ އޮތޯރިޓީން ފާހަގަކުރެއެވެ.
2026 ވަނަ އަހަރުގެ އޭޕްރީލް މަހުން ޖޫން މަހުގެ ނިޔަލަށް (ދެވަނަ ކުއަރޓަރ) މި އޮތޯރިޓީއަށް ރިޕޯޓުކޮށްފައިވާ ގެވެށި އަނިޔާގެ މައްސަލަތަކުގެ ތަފާސްހިސާބު ރިޕޯޓުން ފާހަގަކޮށްލެވޭ މުހިއްމު ބައިތައް
އިތުރަށް ވިދާޅުވުމަށް: https://t.co/jQn2OA37yU pic.twitter.com/GegplENRrq— Family Protection Authority (@FPAMaldives) July 19, 2026
