ސްޕެނިޝް ސުޕަރ ކަޕް ފައިނަލުގެ ކުރިން ކީލިއަން އެމްބާޕޭ ސައުދީ އަރަބިއްޔާއަށް އައުމާއެކު، ރެއާލް މެޑްރިޑާއި އެފްސީ ބާސެލޯނާގެ ކުރިމަތިލުން ނުވަތަ "އެލް ކްލެސިކޯ" ގެ ފޯރި ގަދަވެއްޖެއެވެ.
ޖެނުއަރީ 12 ވަނަ ދުވަހު ކިންގް އަބްދުالله ސްޕޯޓްސް ސިޓީގައި ކުޅުމަށް ހަމަޖެހިފައިވާ ސުޕަރކޮޕާ ޑި އެސްޕާނިއާ 2025-26 ގެ ފައިނަލަށް މެޑްރިޑް ޓީމު ޖިއްދާއަށް ފޭބުމަށްފަހު، އެމްބާޕޭ ވަނީ ސޯޝަލް މީޑިއާ ޕްލެޓްފޯމް އެކްސްގައި "ސަލާމް އަލައިކުމް" އޭ ބުނެ ސަޕޯޓަރުންނަށް ސަލާމް ފޮނުވައި، އޭނާ އައިކަން ކަށަވަރުކޮށްދީފައެވެ.
ފްރާންސްގެ މި ފޯވާޑް ކަކުލަށް ލިބުނު އަނިޔާއަކަށް ފަރުވާ ހޯދަމުންދާތާ ހަފުތާތަކެއް ވެފައިވީ ނަމަވެސް، އޭނާ ސައުދީގައި ހުރުމުން ފައިނަލް މެޗުގައި އޭނާ ފެނިދާނެކަމުގެ އުންމީދު ވަނީ ބޮޑުވެފައެވެ.
