މަނަދޫ އަޒީގެ ޅެންހާރު: މަންމާ ތިއައްޔޭ

*ރާގު: މަންމާ މިދޭ އިޙްތުރާމް.،،.

މަންމާ ތިއައްޔޭ މަގޭ ހުރިހައިވި އުންމީދަކީ
ހަންހާރަވެތިކަންމަތީ ދުނިޔޭންލިބޭ އުފަލަކީ

ޅަފަތުން ފަށައިގެން ތިޔައޭ ހުރިހައި އެހީތެރިޔާ
ހަފަށުން ވަށައިގެންލިބޭ ލޯބީގެ ބައިވެރިޔާ
(އަދަދެއްނުވާހައި ކުލުނާ ފަރަގެއްނުވާހެން ރަޙްމާ
ބަދަލެއްނުވާހެން މަދަދާ) ދެއްވާ އެހީތެރިޔަކީ

ބުރަތައް އުފުއްލެވި ތިއަޔޭ ކެތްތެރިވި އިންސާނާ
ފުރަތަމަހިނދުންފެށިމިއަދަށް ދެގޮތެއްނުވާ ޝާނާ
(ކިހިނެއްބަޔާން ކުރެވޭނީ ދުލަކުންކިޔާ އިއްވޭނީ
ކިހިނެއް ނަގައިދެއްކޭނީ) ތިޔައޭ ހިތުގެ ނޫރަކީ

10 މެއި 2026
*عبدالعزيز قاسم
ލިލީ ނ.މަނަދޫ