މަނަދޫ އަޒީގެ ޅެންހާރު: މީދޮގު ވާހަކައެއްތަ؟

*ރާގު! ލިލީއޮފްދަ ދިވެލީން (މަރްޙޫ ދޮހޮއްކޮބޭ ރަޙިމަހު ﷲ)

އަޑެއްހަމަ އިވޭހައި އަހާކަށް ނުޖެހެއޭ 2
ކަމެއްވެސް ބުނާހައި ކުރާކަށް ނުޖެހެއޭ 2

ތަނެއްގައި ބަޔަކު ލަވަތަކެއްކީ ކަމަކުވެސް 2
މަމެން އަޑުއަހާފައި ނަށާކަށް ނުޖެހެއޭ
މޮޔައިން މޮޔަ ގޮވާއިރު އެ އަޑުތައް އަހައިގެން 2
މޮޔައިން ފަހަތުގައިތިބެ ދުވާކަށް ނުޖެހެއޭ
މިތާ އޮންނަ ޤާނޫނަކާ އެއްފަރާތުން 2
އެތާބަޔަކު ބުންޏަސް ހިނގާކަށް ނުޖެހެއޭ
އުޅެންވީގޮތާ ނޫޅެވޭގޮތް އެނގޭއިރު 2
ގުޅެން ކޮންމެބަޔަކާ އުޅޭކަށް ނުޖެހެއޭ
ޒަމާން ދަޅަތަކެއް ދައްކަމުން ދިޔަކަމަކުވެސް 2
ޒަމާންވީ އުޅުން ދޫކުރާކަށް ނުޖެހެއޭ
ހުމެއް މަދުމަދުން އަންނަހައި ކޮންމެފަހަރަކު 2
ދުމެއް ބުރުވި ކިޔެވެލި ކިޔާކަށް ނުޖެހެއޭ
ގޮތާ ފޮތް އުސޫލާ ހިފައިގެން މި ތިބިއިރު 2
ގޮތާ އިހު ޚިލާފަށް އުޅޭކަށް ނުޖެހެއޭ
އަރާމަށް މި ދުނިޔޭގެ ދަޢުވަތު ދިނަސްވެސް 2
ޙަރާން ކަންކަމަށްފައި ނަގާކަށް ނުޖެހެއޭ
ފޮތެއް ތިބެކިޔާފައި އެއަށް ބޯ ލަނބާފައި 2
ގޮތެއް ދެވަނަ ހޯދަން އުޅޭކަށް ނުޖެހެއޭ

11 މެއި 2026
*عبدالعزيز قاسم
ލިލީ ނ.މަނަދޫ