ޔުނެސްކޯއިން ދޫކުރާ ބައިނަލްއަޤުވާމީ "ސުނާމީ ރެޑީ" ސެޓްފިކެޓް ޙާޞިލުކުރާ ރާއްޖޭގެ ފުރަތަމަ ރަށަށް ވުމަށްޓަކައި ކުޅުދުއްފުށި ސިޓީން މުހިންމު މަސައްކަތްތަކެއް ފަށައިފިއެވެ. ކާރިސާތަކުން ރައްކާތެރިވުމަށް އެ ސިޓީގެ އެކި ސަރަޙައްދުތަކުގައި ފިޔަވަޅުތައް ވަރުގަދަކުރަމުންދާއިރު، ކާރިސާގެ ވަގުތު ޢަމަލުކުރާނެ ގޮތާއި ރައްކާތެރި ސަރަޙައްދުތައް އަންގައިދޭ ޗާޓުތައް މިހާރު ދަނީ ހަރުކުރަމުންނެވެ.
މި މަޝްރޫޢުގެ ދަށުން ކާރިސާގެ ވަގުތުގައި މީހުން ހިމާޔަތް ހޯދާނެ މަރުކަޒުތަކެއްގެ ގޮތުގައި އެ ސިޓީގެ މިސްކިތްތަކާއި ސްކޫލްތައް ފަދަ ޢާންމު އިމާރާތްތައް ވަނީ ކަނޑައަޅާފައެވެ. އަދި އިންޒާރުގެ މެސެޖުތައް ވީހާވެސް އަވަހަކަށް ރައްޔިތުންނަށް ފޯރުކޮށްދިނުމަށްޓަކައި، މިސްކިތްތަކުގެ ލައުޑްސްޕީކަރު މެދުވެރިކޮށް އިންޒާރު ދެވޭނެ ޚާއްޞަ ނިޒާމެއް ވެސް މިހާރު ވަނީ ޤާއިމުކޮށްފައެވެ.
As Kulhudhuffushi City works towards becoming the Maldives' first @IocUnesco Tsunami Ready certified community, key preparedness measures are being implemented, including the installation of 📍Tsunami Evacuation Assembly Point maps.
🕌 Designated assembly points including… pic.twitter.com/84ks1v8S7t
— NDMA Maldives (@NDMAmv) July 15, 2026
ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) ގެ އަމާޒަކީ ރައީސުލްޖުމްހޫރިއްޔާ ކަނޑައަޅުއްވާފައިވާ "ވިލުންވެރި ރާއްޖެ" ލަނޑުދަނޑީގެ ދަށުން، 2030 ވަނަ އަހަރު އަންނަންވާއިރަށް ރާއްޖޭގެ ހުރިހާ ރަށަކަށް ޔުނެސްކޯގެ ސުނާމީ ރެޑީ ސެޓްފިކެޓް ހޯދައިދިނުމެވެ. އެހެންކަމުން ކުޅުދުއްފުށީގައި މި ފެށި މަސައްކަތް ވެގެންދާނީ ރާއްޖޭގެ އެހެން ރަށްތަކަށް ވެސް މިފަދަ ނިޒާމުތައް ޤާއިމުކުރުމަށް ލިބޭ ނަމޫނާއަކަށެވެ.
