އަމީނީ މަގު މަރާމާތުކުރުމުގެ މަސައްކަތް އަންނަ ހަފްތާގައި ފެށުމަށް ތައްޔާރުވަމުންދާއިރު، އެ މަސައްކަތުގެ ކުރިން ކުރަންޖެހޭ ސާވޭތަކުގެ ތެރެއިން ކޯ ކަޓިންގގެ މަސައްކަތްތައް ނިންމާލާފައިވާ ކަމަށް އެމްއޭސީސީން ހާމަކޮށްފިއެވެ.
މާލޭގެ މަގުތައް ތަރައްޤީކުރުމުގެ މަޝްރޫޢުގެ ދަށުން އަމީނީ މަގުގެ އިތުރުން އިއްޒުއްދީން މަގާއި ބޮޑުތަކުރުފާނު މަގު މަރާމާތުކޮށް، ބަސް ހުއްޓިތައް ހިމެނޭ ސަރަޙައްދުތަކުގެ ޕޭވްމަންޓް ޑިޒައިނަށް ބަދަލުތަކެއް ގެނައުމަށް ވަނީ ހަމަޖެހިފައެވެ. މި މަސައްކަތުގެ މައިގަނޑު މަޤުޞަދަކީ މާލޭގެ މަގުތަކަކީ އާންމުންނަށް ބޭނުންކުރަން އަމާން އަދި ލުއިފަސޭހަ މަގުތަކަކަށް ހެދުމެވެ.
ކުރީގެ ސަރުކާރުން 84.4 މިލިއަން ރުފިޔާ ޚަރަދުކޮށްގެން އަމީނީ މަގުގެ 1.79 ކިލޯމީޓަރުގެ ސަރަޙައްދެއްގައި ތާރު އަޅައި، 2024 ވަނަ އަހަރުގެ ޖަނަވަރީ މަހު މަސައްކަތް މުޅިން ނިންމާލި ނަމަވެސް، ކުރު މުއްދަތެއްގެ ތެރޭގައި މަގުގެ ތާރުގަނޑު ހަލާކުވެ އަޑިގުޑަންވުމުގެ ސަބަބުން އާންމުންނަށް ބޮޑެތި އުނދަގޫތަކެއް ވަނީ ކުރިމަތިވެފައެވެ.
Our survey team carried out core cutting works at Ameenee Magu today as part of the pre-construction surveys for the Malé Road Project. The project includes the repair of Ameenee Magu, Izzudheen Magu, and Boduthakurufaanu Magu, paving the way for safer and more efficient roads… pic.twitter.com/QWz2Nz2RuQ
— MTCC Plc (@MTCCPlc) July 27, 2026
ޓެކްނިކަލް މާހިރުން ފާހަގަކުރާ ގޮތުގައި މަގު ހަލާކުވާން ދިމާވި މައިގަނޑު ސަބަބަކީ ތާރު އެޅުމަށްފަހު ރަނގަޅަށް ނުހިކެނީސް ދުއްވާ ތަކެއްޗަށް މަގު ހުޅުވާލުމެވެ.
