އެމެރިކާގެ ޕަބްލިޝިން ކޮމްޕެނީއެއް ކަމަށްވާ ބްލޫމްސްބަރީގެ ވެރިޔާ، އެޑްރީން ވޯގަން ލޯންޗެއްގެ ބުރަފަތީގައި ޖެެހި، ހިނގި އެކްސިޑެންޓެއްގައި މަރުވެއްޖެ ކަމަށް މީޑީޔާ ރިޕޯޓްތައް ބުނެފިއެވެ.
45 އަހަރުގެ އެޑްރީން އޭނާގެ އާއިލާއާއެކު އުފާވެރި ވަގުތުކޮޅެއް ހޭދަކޮށްލުމަށްޓަަކައި ލޯންޗެއް ކުައްޔަށް ހިފައި، ކޯސްޓްލައިން ސަރަަޙައްދު ބަލާލުމަށް ދަތުރު ފެށިކަމަށާއި، ދަތުރު ކުރަމުން ދަނިކޮށް އެހެން ބޯޓެއްގައި، ދަތުރު ކުރަމުންދިޔަ ލޯންޗު ޖެހި ހިނގައިދިޔަ އެކްސިޑެންޓްގައ،ި ލޯންޗު ބަންޑުން ޖަހާލި ކަމަށް އޭޖީއައި ނިއުސް ސާވިސްއިން ހާމަކޮށްފައިވެއެވެ. ލޯންޗު ބަންޑުން ޖަހާލި ވަގުތު އެޑްރީން ގޮސް ޖެހުނީ ލޯންޗުގެ ބުރަފަތީގައި ކަމަށް ރިޕޯޓްތައް ބުނެއެވެ.
އަދި އޭނާގެ ކޮނޑާއި އަތް ވަރަށް ބޮޑަށް ކަފައިގެން ދިޔަ ކަމަށާއި، ލިބުނު އަނިޔާގެ ސަބަބުން އޭނާ މަރުވެފައިވާ ކަމަށް މަޢުލޫމާތު ލިބެއެވެ. މި ދަތުރުގައި އޭނާގެ 12 އަހަރުގެ އަންހެން ދަރިއަކާއި، 8 އަހަރުގެ ފިރިހެން ދަރިއެއް ބައިވެރިވި ކަމަށާއި ނަމަވެސް، މާ ބޮޑު އަނިޔާތަކެއް ލިބިފައެއް ނުވެއެވެ. އަދި ދަތުރުކުރި އެހެން އެންމެން ވަނީ ސަލާމަތްވެފައެވެ.
އެޑްރީން ކުއްލި ޙާލަތުގައި ހޮސްޕިޓަލަށް ގެންދެވުނު ނަމަވެސް، އޭނާ ހޮސްޕިޓަލަށް ގެންދިޔަ އިރުވެސް އޮތީ މަރުވެފައެވެ.
މި ޙާދިސާ ހިނގި ދުވަހުގެ ކުރީ ދުވަހު އެޑްރީން އޭނާގެ ލޯބިވާ ދަރިންނާއެކު ހިނިތުންވެފައިވާ ފޮޓޯއް ސޯޝަލް މީޑިޔާއާ ޙިއްސާކުރި ކަމަށް ލޯކަލް މީޑިޔާތައް ބުނެއެވެ.
އޭނާ، ބްލޫމްސްބަރީގެ ރައީސްގެ މަޤާމަށް ހަމަޖެހިފައިވަނީ 2021 ވަނަ އަހަރުގެ ސެޕްޓެންބަރު މަހުގައެވެ. އޭނާއަކީ ހިންގުންތެރި މީހެއް ކަމާއި، ނޫސްވެރިކަމުގެ ދާއިރާއިން މާސްޓަރސް ފެންވަރަށް ތަޢުލީމު ޙާސިލުކޮށްފައިވާ ކަމަށް އޭނާގެ ލިންކެޑިން ޕޭޖުން އެނގޭ ކަމަށް ރިޕޯޓްތައް ބުނެއެވެ.
