މާކް-އަންދްރޭ ޓަރ ސްޓެޖެން އެފް.ސީ ބާސެލޯނާ ދޫކޮށްލުމާ ވަރަށް ގާތަށް ގޮސްފިއެވެ. ކެޓަލަންގެ މި ކްލަބުން މިހާރު ވަނީ ޖިރޯނާއާއެކު އެއްބަސްވުމަކަށް އައިސްފައެވެ.
ބޮޑު ހައިރާންކަމެއް ކުރިމަތިނުވާނަމަ، ސީޒަނުގެ ދެވަނަ ބައިގައި ޓަރ ސްޓޭގަން ފެންނާނީ ޖިރޯނާގެ ކުޅުންތެރިއެއްގެ ގޮތުގައެވެ. 'ކަޑޭނާ ސާ' އިން ރިޕޯޓްކުރާ ގޮތުގައި، ޖަރުމަނުގެ ގޯލްކީޕަރު ލޯނު އުސޫލުން ޖިރޯނާއަށް ބަދަލުވުމުގެ އެއްބަސްވުން ނިމުމަކާ ވަނީ ގާތްވެފައެވެ. މުސާރައިގެ ކަންކަމުގައި އަދި މުޅިން ގޮތެއް ނުނިމުނު ކަމުގައިވިޔަސް، ޓަރ ސްޓޭގަން ވަނީ މި ބަދަލަށް މިހާރު ރުހުން ދީފައެވެ.
މީގެ ހަފުތާތަކެއް ކުރިން ފެށިގެން ކުރިއަށްދާ މި މަޝްވަރާތައް މިހާރު ވަނީ ނިމުމަކާ ގާތްވެފައެވެ. މި ބަދަލުގެ ސަބަބުން ޖަރުމަނުގެ ގައުމީ ޓީމުގެ ކީޕަރަށް ގަވާއިދުން ކުޅުމުގެ ފުރުސަތު ލިބި، 2026 ވަނަ އަހަރުގެ ވޯލްޑް ކަޕަށް ޖޫލިއަން ނާގަލްސްމަން ނަގާ ސްކޮޑުން ޖާގަ ހޯދުމުގެ އުންމީދު އާވެގެންދާނެއެވެ.
