މަނަދޫ އަޒީގެ ޅެންހާރު: ތިޔައޭވި މާތް ރަސޫލަކީ

*ރާގު! މާނާމެރޭ ހަސީންސަނަމް،.،.
*ދިވެހި (ޢަލީރަމީޒުގެ އޭނާމިރޭދިމާވުމުން)

ޢާލަމްތަކަށް ފޮނުއްވެވުން ތިޔައޭ ވިމާތްރަސޫލަކީ
ވާހައިޒަމާންތަކަށް އިތުރު އައުދާނަ ސާހިބާއަކީ

ހުރިހައިނަބީން ރަސޫލުނާ ދެއްވެވި ބަޝާރަތުން އެނގޭ 2
(ދެއްވެވި ބަޝާރަތުން އެނގޭ)
ހުރިހައި މަކާރިމުންހޮވޭ ފުރިހަމަވިމާތް މިސާލަކީ
ގެންނެވި ރިސާލަތާއެކީ ދެއްކެވި ހިދާޔަތާއެކީ 2
(ދެއްކެވި ހިދާޔަތާއެކީ)
ގެންނެވި ޞިރާޠު އެންމެމާތް ތިޔައޭ އިތުރުނަބީއަކީ
އިސްރާގެމާތްވި ޢިއްޒަތާ މިޢުރާޖްދޭ ޝަރާފަތާ 2
(މިޢުރާޖްދޭ ޝަރާފަތާ)
ނިސްބަތްވެ ޚާއްޞަވީފަޚުރު ތިޔައޭ އެ މާތް އިމާމަކީ
ޙައްޖުގެވިއެކި މަނާސިކާ ޢުމްރާގެފުންވި ޙިކްމަތާ 2
(ޢުމްރާގެފުންވި ޙިކްމަތާ)
ދެއްކެވި މި އުންމަތަށް ތިއޭ ތޮބުވެތިވިހެޔޮ ނަޞީޙަކީ
ޢަދަދެއްނުވާ ސަނާތަކުން ޢަދަދެއްނުވާ ސަލާމްތަކުން 2
(ޢަދަދެއްނުވާ ސަލާމްތަކުން)
މަދަޙައިގެރީތި ޝިޢުރުތައް އަބަދަށްއޮހޭ ޙަބީބަކީ

25 މެއި 2026
*عبدالعزيز قاسم
ލިލީ ނ.މަނަދޫ