މަނަދޫ އަޒީގެ ޅެންހާރު: މިއަދު މިވަނީ މަރުވެފައި

*ރާގު! ޢިޝްޤުނުވިނަމަދޭހުގައި….

އިޙްތިރާމާ ޤަދަރުކުރުމާ މިއަދުމިވަނީ މަރުވެފައި
"ސިހުރަކުންއައިސްޖެހުނުގަދަ" ބަލިމަޑުކަމެއްގައި ނެތިވެފައި

ބާރުބާރަށް ކޮޅުކޮޅަށްދުވި (ރީތި އުޅުމާ އަދިގުޅުން 2)
ވާރުތަވެދާނޭ ފަރާތެއް ނެތިވަނީގޮސް ބިކަވެފައި
އަންޒަމާނުއްސުރެ ވިދުންހުރި (އަޚްކަމާ އަޚްވަންތަކަން 2)
ރަންޒަމާނުން ޖާގައެއްނެތި އަދުވަނީ ބާކީވެފައި
ބޯލަނބާ ކިޔަމަންވުމަށްނެތި (އެއްފަރާތެއްވެސް ސަފުން 2)
"ހޯއްގޮވައި" މީހުންފަހައިދާ ފެންވަރަށް ނިކަމެތިވެފައި
ހަމަޖެހުން ދިހަރޯދަޢީދުގެ (ހެދުމުގައި ހުރި ވިދަވިދާ 2)
ހަމަލަތަކުގެ ޝިކާރައެއްކަމުގައިވެ މިވަނީ ގެއްލިފައި
ކުދިވެރީންގެ ސިކުނޑި (ތަޣައްޔަރުވާހިސާބުގެ ތިލަފެނަށް 2)
މުޅި ޖަމާއަތުގައި ޖަރާސީމެއް ވަނީއަދު ފެތުރިފައި
މީރުވަސް ކަސްތޫރިފަދަވީ (ރީތި އަޚްލާޤުގެ އެ ވަސް 2)
ރީތިކޮށް ސިކުނޑިންފިލައި ހިތްތައްވަނީ ގަޑުބަޑުވެފައި
ހޯދުމަށް ދަޢުވާކުރާ (މިނިވަންކަމުގެތާޖާ މެޑަލް 2)
ހޯދިދާއިރު ޙައްޤުތައް އަނެކުންގެ މިވަނީ ގެއްލިފައި

29 އޮގަސްޓް 2025
*عبدالعزيزقاسم
ލިލީ ނ.މަނަދޫ