މަނަދޫ އަޒީގެ ޅެންހާރު: ނަމާދޭ ނަމާދޭ

*ރާގު! ތެރީއާންޚް ކާޖޯ އިޝާރާނަހޯތާ،،…

ނަމާދޭ ނަމާދޭ ކުދީންނޭ ނަމާދޭ
ނަމާދެއް ނުދޫކޮށް ކުރަންވީ ނަމާދޭ
ނަމާދޭ ނަމާދޭ،…
ސަލާމަތުގެމަގުތައް އަމާންކަމުގެ ހޯދަން
ބަލާޔާ މުޞީބާތްތަކާ ދުރުވެ ދިއުމަށް
ހަލާކާއި ގެއްލުންތަކުން މިންޖު ވެވުމަށް
ފަލާޙުގެމަގަށް އެދި ކުރަންވީ ނަމާދޭ
ވަގުތުތައް އެ ފާއިތުވެ ދިއުމުގެ ކުރީގައި
ވަގުތުހޯދަމުން ތިބެ މަޢީޝަތު ތެރޭގައި
ވަގުތު ދޫނުކޮށްލައި ވެ ހިތްވަރުމަތީގައި
ވަގުތުގައި ސަމާލުވެ ކުރަންވީ ނަމާދޭ
ދެދުނިޔޭގެހުރި ބާއްޖަވެރިކަން އަދައިގެން
ދެދުނިޔޭގެފަހިވީއެ ރާސްތާ ހިފައިގެން
އެދުނިޔޭގެ ބިރުވެރި ކަމަށްވެސް ބަލައިގެން
މިދުނިޔޭގެ ބިމުގައި ކުރަންވީ ނަމާދޭ
އިލާހަށްވެ ކިޔަމަން ޙުޟޫޢާ ޚުޝޫޢުން
ފިލައިގެންނުދާ ހިތުގެ އޮހިދާ ދުމޫޢުން
އިލާހިއްޔަމާތް ޙަޟްރަތަށް އިބްތިހާލުން
އިލާހަށް ވަތާބިރު ކުރަންވީ ނަމާދޭ
ޤިޔާމަތުގެ ބިރުވެރި ކަމުން ދިންނަވާތޯ
ހިޔާމާތްވި ޢަރްޝީގެ އަދި ދެއްވަވާތޯ
ނިޔާމަވި ޙަޔާތެއް ސުވަރުގޭން ލިބޭތޯ
ނިޔާއަށް ލަނބާބޯ ކުރަންވީ ނަމާދޭ

6 އޮކްޓޫބަރު 2025
*عبدالعزيزقاسم
ލިލީ ނ.މަނަދޫ