މިސިސް އާމިނާ މޮސްލަރ ކިޔައިދީފައިވެއެވެ.
"އަޅުގަނޑުގެ ދަރިފުޅު ކުޑައިރު، ކުރި ސުވާލުތަކަކަށް ޖަވާބު ދިނުމަށް ދަތިވި ހިސާބުން ފެށިގެން، އިސްލާމްދީނުގެ ޙަޤީޤަތް ހޯދުމަށް މަގުފަހިވެގެން ދިޔައެވެ. އިސްލާމްދީން ޤަބޫލުކުރި ގޮތުގެ ތަޖުރިބާ ޙިއްސާކޮށްލާނަމެވެ. އަޅުގަނޑަކީ ޖަރުމަނުވިލާތުގެ ރައްޔިތެކެވެ. އަޅުގަނޑަކީ ކެތޮލިކް ދަރިއެއްގެ ގޮތުގައި ބޮޑުވެ، އެ ދީނުގެ ތަޢުލީމު ލިބިގެން އައި މީހެކެވެ. ނަމަވެސް އެ ޢަޤީދާތަކަށް ޤަބޫލުކުރަން ދަތިވެ، އެކަންކަމާމެދު ޝައްކު އުފެދެމުން ދިޔައެވެ.
އެއް ދުވަހަކު އަޅުގަނޑުގެ ދަރިފުޅު އައިސް ބުންޏެވެ، "މަންމާ، އަޅުގަނޑު އިސްލާމްދީން ދިރާސާކޮށްފިން. މުސްލިމުން ޤަބޫލުކުރަނީ އެއްކައުވަންތަ ﷲ . އެމީހުންގެ ދީނަކީ އެންމެ ޞައްޙަ ދީން. އެހެންކަމުން އަޅުގަނޑު ނިންމައިފިން މުސްލިމަކަށް ވާން. މަންމަވެސް އަޅުގަނޑާއެކު މުސްލިމަކަށް ވާންވާނެ!" މި ވާހަކަތަކުގެ ސަބަބުން އަޅުގަނޑުވެސް އިސްލާމްދީން ދިރާސާކުރަން ފެށީމެވެ. މިސްކިތަށް ޒިޔާރަތްކޮށް، އިމާމާ ބައްދަލުކޮށް، އިސްލާމްދީނުގެ އަސާސްތައް އުނގެނި ދަސްކުރީމެވެ.
އިސްލާމްދީން ފުންކޮށް ދިރާސާކުރުމަށްފަހު، ކްރިސްޓިއަން ދީނުގައި ހުރި ގިނަ ޢަޤީދާތަކަކީ ޤަބޫލުކުރަން އުނދަގޫ ކަންކަން ކަން ވިސްނުނެވެ. ޢަޤީދާއާއި، ފާފަ ފުއްސެވުމާއި، ޕޯޕްގެ މަޤާމާއި، ތައުބާގެ ރަސްމިއްޔާތު ފަދަ ކަންކަމަކީ ޤަބޫލުކުރެވޭ ކަންކަމެއް ނޫނެވެ. އެހެންކަމުން މި ހުރިހާ ޚުރާފާތްތަކެއް ދޫކޮށްލައި އިސްލާމްދީން ޤަބޫލުކުރީމެވެ.
މިއަދު އަޅުގަނޑަކީ މާމައެކެވެ. އަޅުގަނޑުގެ މާމަ ދަރިން މުސްލިމުންގެ ގޮތުގައި އުފަންވެފައިވާތީ އިންތިހާއަށް އުފާވެއެވެ. ﷲ ސުބުޙާނަހޫ ވަތަޢާލާ ތެދުމަގު ދައްކަވާފައިވާ އަޅުތަކުންނަށް އަބަދުވެސް ހިދާޔަތް ދައްކަވާނެކަން ޔަޤީނެވެ. އިސްލާމްދީން ޤަބޫލުކުރުމުގެ ނަސީބު ލިބުނުކަމީ އަޅުގަނޑަށް ލިބުނު އެންމެ މަތިވެރި ނިޢުމަތެވެ." މިސިސް އާމިނާ މޮސްލަރ ކިޔައިދީފައިވެއެވެ.
____________________________
