ވެލާނާ އިންޓަރނޭޝަނަލް އެއަރޕޯޓުގެ އައު ޕެސެންޖަރ ޓަރމިނަލް (ޓަރމިނަލް 1) އިން ހައިސްކައި އެއަރލައިނަށް ޚިދުމަތް ދޭން ފެށުމަށްޓަކައި ޚާއްސަ ރަސްމިއްޔާތެއް ބާއްވައިފިއެވެ. މި ރަސްމިއްޔާތު ޝަރަފްވެރިކޮށްދެއްވީ މޯލްޑިވްސް އިންފްލައިޓް ކޭޓަރިންގ ގްރޫޕުގެ ޖެނެރަލް މެނޭޖަރު އަލީ ޝާކިރެވެ. މި ހަފްލާގައި ވޮޔޭޖަސް މޯލްޑިވްސް އާއި ހައިސްކައި އަދި އެމްއޭސީއެލްގެ އިސްވެރިން ބައިވެރިވެވަޑައިގެންނެވިއެވެ.
އައު ޓަރމިނަލުން ޚިދުމަތް ދޭން ފެށުމުގެ ގޮތުން ހައިސްކައިގެ ފުރަތަމަ ފްލައިޓުން ރާއްޖެއަށް އައި 222 ފަސިންޖަރުންނަށް ސަޤާފީ ހަރަކާތްތަކާއެކު ހޫނު މަރުހަބާއެއް ވަނީ ކިޔާފައެވެ. މި އެއަރލައިނާއެކު ވީއައިއޭގެ އައު ޓަރމިނަލުން މިހާރު ޖުމްލަ 38 އެއަރލައިނަކަށް ޚިދުމަތް ފޯރުކޮށްދެމުންދާކަން އެމްއޭސީއެލުން ފާހަގަކުރެއެވެ.
އެމްއޭސީއެލްގެ އަމާޒަކީ ރާއްޖެއަށް ދަތުރުކުރާ ހުރިހާ އެއަރލައިންތަކަކަށްވެސް އެންމެ ފުރިހަމަ އަދި އެންމެ މަތީ ފަންތީގެ ޚިދުމަތްތައް ފޯރުކޮށްދިނުމެވެ.
Today, we officially welcomed HiSky’s inaugural flight to Terminal 1 at Velana International Airport with a ceremonial water salute. Passengers were warmly welcomed by the Group General Manager of Maldives Inflight Catering, Mr. Ali Shakir; Deputy Manager of Voyages Maldives, Mr.… pic.twitter.com/uP06Sm1ous
— Maldives Airports Company Ltd (@MACLmedia) December 27, 2025
