ރާޅާއެޅުންތެރިޔާ އިބްރާހިމް އަހުމަދު ޝުކޫރު (ޝޭޕަރު އިބުރޭ) އަށް ސްޓްރޯކެއް ޖެހިގެން ފަރުވާދެމުން ދަނިކޮށް އުމުރުން 46 އަހަރުގައި އިއްޔެ ނިޔާވެއްޖެއެވެ.
އޭނާ ނިޔާވީ، މިދިޔަ މަހުގެ 14 ގައި ޖެހުނު ސްޓްރޯކަކާ ގުޅިގެން ސްރީލަންކާއަށް ގެންގޮސް ފަރުވާ ދޭތާ ދުވަސްތަކެއް ފަހުން ކަމަށް މަޢުލޫމާތު ލިބެއެވެ.
ސާފިން އެސޯސިއޭޝަންގެ ތިންވަނަ ދައުރުގައި އިބުރޭ ވަނީ، އެ އެސޯސިއޭޝަންގެ ހިންގާ ކޮމިޓީގެ މެންބަރުކަން ވެސް ކޮށްފައެވެ. ސާފިން އެސޯސިއޭޝަންގެ ރައީސް މުހައްމަދު ސޮބާހް (ޗޭ) ވިދާޅުވީ، އިބުރޭ އަކީ ސާފިން ކޮމިއުނިޓީއަށް ވަރަށް ބޭނުންތެރިން ހިދުމަތްތަކެއް ކޮށްދިން ފަރާތެއް ކަމަށެވެ.
އިބުރޭ ވަނީ މިދިޔަ އަހަރުގެ ނޮވެމްބަރު މަހު ބޭއްވި ގައުމީ ސާފިން މުބާރާތުގައި ވެސް ވާދަކޮށްފައެވެ.
އިބުރޭ ނިޔާވިއިރު، އޭނާގެ އަންބަކާއި ދެ ކުއްޖަކު ދުނިޔޭގައި އެބަތިއްބެވެ.
މަރުޙޫމްގެ ފުރާއަށް ހެޔޮ ރަޙްމަތް ލައްވައި. ޢާއިލާއަށް ކެތްތެރިކަން ދެއްވާށިއެވެ
