އޮސްޓްރޭލިއާ ސަރުކާރުން ދުނިޔޭގެ ފެންވަރުގައި ފުރަތަމަ ފަހަރަށް ތައާރަފްކުރި ސިޔާސަތެއްގެ ދަށުން، އެ ގައުމުގައި 16 އަހަރުން ދަށުގެ ކުދިންނަށް ސޯޝަލް މީޑިއާ އެކައުންޓްތަކަށް ވަނުން މަނާކޮށްފިއެވެ. މި ފިޔަވަޅު އަޅާފައިވަނީ ކުޑަކުދިންނަށް ގެއްލުންހުރި ކޮންޓެންޓް، ބުލީކުރުން އަދި ގްރޫމިން އިން ރައްކާތެރިކުރުމުގެ މަގްސަދުގައެވެ.
މި ގަވާއިދު ތަންފީޒުކުރުމަށް އިންސްޓަގްރާމް، ޓިކްޓޮކް އަދި ޔޫޓިއުބް ފަދަ ބޮޑެތި ސޯޝަލް މީޑިއާ ޕްލެޓްފޯމްތަކަށް ވަނީ ލާޒިމްކޮށްފައެވެ. މި ގަވާއިދާ ހިލާފުވެއްޖެނަމަ، އެ ކުންފުނިތަކަށް 24 މިލިއަން ޕައުންޑާ ހަމައަށް ބޮޑެތި ޖޫރިމަނާ ކުރެވޭނެ ކަމަށް އޮސްޓްރޭލިއާ ސަރުކާރުން ވަނީ އަންގާފައެވެ.
މި ސިޔާސަތަކީ ދުނިޔޭގެ ފެންވަރުގައި މިފަދަ ފުރަތަމަ ސިޔާސަތު ކަމަށްވާއިރު، އޮސްޓްރޭލިއާ ސަރުކާރުން ބުނެފައިވަނީ މިއީ ކުޑަކުދިންގެ ނަފްސާނީ އަދި ޖިސްމާނީ ރައްކާތެރިކަން ކަށަވަރުކުރުމަށްޓަކައި އަޅާފައިވާ މުހިންމު ފިޔަވަޅެއް ކަމަށެވެ. ކުޑަކުދިން ސައިބަރ ހަރާމާތްތަކުންނާއި ނޭދެވޭ އަސަރުތަކުން ދުރުކުރުމަށްމިފަދަ ހަރުކަށި ފިޔަވަޅުތައް އެޅުން މުހިންމު ކަމަށް ސަރުކާރުން ފާހަގަކުރެއެވެ.
މި ގަވާއިދު ތަންފީޒުކުރުމަށް ސޯޝަލް މީޑިއާ ކުންފުނިތަކުން އުމުރު ކަށަވަރުކުރުމުގެ ވަރުގަދަ ނިޒާމުތައް ގާއިމުކުރަން ޖެހޭނެއެވެ.
