ޑައިރެކްޓަރު ޝަކުން ބަޓްރާގެ ފުރަތަމަ ފިލްމު 'އެކް މޭ އައުރް އެކް ތޫ' އަށް 14 އަހަރު ފުރުމާ ގުޅިގެން އޭނާގެ ފުރަތަމަ ތަޖުރިބާތައް ހިއްސާކޮށްފިއެވެ. 2012 ވަނަ އަހަރު ރިލީޒްކުރި މި ފިލްމަކީ ކަރީނާ ކަޕޫރާއި އިމްރާން ޚާން މުހިންމު ރޯލުތަކުން ފެނިގެންދިޔަ ރޮމޭންޓިކް ކޮމެޑީއެކެވެ.
ފިލްމުގެ އަހަރީ ދުވަހާ ގުޅިގެން ޝަކުން ބަޓްރާ ބުނެފައިވަނީ، އޭނާގެ ފުރަތަމަ ފިލްމު އުފެއްދުމުގެ ފުރުސަތު ދިން ފަރާތްތަކަށް ވަރަށް ބޮޑަށް ޝުކުރުވެރިވާ ކަމަށެވެ. ވަކިން ހާއްސަކޮށް ފިލްމުގެ ޕްރޮޑިއުސަރު ކަރަން ޖޯހަރާއި، ކޯ-ރައިޓަރު އައިޝާގެ އިތުރުން ލީޑް އެކްޓަރުން އޭނާއަށް ކުރި އިތުބާރަކީ އޭނާގެ ކެރިއަރުގެ އެންމެ މުހިންމު ފެށުން ކަމުގައި ފާހަގަކުރިއެވެ.
ޝަކުން ބުނި ގޮތުގައި އެ ދުވަސްވަރު އޭނާއަކީ ހަމައެކަނި ސްކްރިޕްޓަކާއި ހިޔާލުތަކެއް ހުރި ޒުވާނެކެވެ. ނަމަވެސް އެ ހުރިހާ ފަރާތްތަކުން އޭނާއަށް ފުރުސަތު ދިނުމަކީ އޭނާގެ މުޅި ކެރިއަރު ބަދަލުކޮށްލި ކަމެކެވެ. އަދި ފިލްމުގެ ނިމުން ގެނެސްދޭން ބޭނުންވި ގޮތުން، ކަރީނާ އާއި އިމްރާންގެ ޖޯޑަކީ އެ ފިލްމަށް އެންމެ އެކަށީގެންވާ ދެ ތަރިން ކަމަށް އޭނާ އަބަދުވެސް ގަބޫލުކުރެއެވެ.
މި ފިލްމަކީ ކްރިޓިކުންގެ ބޮޑު ތަރުހީބެއް ލިބުނު ފިލްމެކެވެ. ފިލްމުގެ މައިގަނޑު ވާހަކަ ބިނާވެފައިވަނީ މަސްތުގެ ހާލަތުގައި ތިބެ ނޭނގި ކައިވެނި ކުރެވޭ ދެމީހެއްގެ މައްޗަށެވެ. މި ފިލްމުގައި ރަތުނާ ޕާތަކް ޝާހް، ބޯމަން އިރާނީ އަދި ރާމް ކަޕޫރު ފަދަ ތަރިންވެސް މުހިންމު ބައިތަކެއް ކުޅެފައިވެއެވެ.
